बिहीबार ३ असोज, २०८१ | Thursday Sep 19, 2024
काठमाडौं । नेपाल स्टक एक्सचेञ्ज लिमिटेड (नेप्से) मा १ करोड २६ लाख ३३ हजार २ सय ५८.५८ कित्ता बोनस शेयर सूचीकृत भएको छ ।
विभिन्न ३ कम्पनीको बोनस शेयर आज सूचीकृत भएको नेप्सेले जनाएको छ ।
यसैक्रममा एचआईडीसीएलले शेयरधनीहरुलाई प्रदान गरेको ५ प्रतिशत बोनस बापतको १ करोड ६ लाख ३८ हजार १ सय ३३.७५ कित्ता शेयर सूचीकृत भएको हो ।
त्यसैगरी प्रभु इन्स्योरेन्स कम्पनीले शेयरधनीहरुलाई प्रदान गरेको ६.७० प्रतिशत बोनस बापतको ८ लाख ६४ हजार १ सय ६.८४ कित्ता शेयर पनि आजै सूचीकृत भएको छ ।
यता, स्वरोजगार लघुवित्त वित्तीय संस्थाले शेयरधनीहरुलाई प्रदान गरेको ११ लाख ३१ हजार १८.०७ कित्ता शेयर आजै सूचीकृत भएको नेप्सेले जनाएको छ ।
