शुक्रबार ७ बैशाख, २०८१ | Friday Apr 19, 2024
काठमाडौं । आन्तरिक राजश्व विभागका महानिर्देशक दीर्घराज मैनालीले आयकर ऐनमा कुनै पनि फेरबदल नगरेकोले शेयर लगानीकर्ता ‘प्यानिक’ हुनुपर्ने कुनै कारण नरहेको बताएका छन् ।
कर्पोरेट नेपालसँगको कुराकानीमा उनले नियमित व्यवसाय गर्दा नाफाघाटा भए त्यसको वास्तविक रिर्पोट आफूहरुलाई दिनुपर्ने बताउँदै कर छुटको सुविधा बाध्यात्मक व्यवस्था नरहेको बताए ।
मैनलीले कुनै पनि कमा वा फुलिस्टप परिवर्तन भएको देखिए आफूलाई सिधै रिर्पोट गर्न चुनौती समेत दिए । शेयर खरिद बिक्रीमा नयाँ करसम्वन्धी व्यवस्थाले कुनै पनि प्रभाव नपार्ने उनको दावी छ ।
ठूला र साना लगानीकर्ताको नाममा कानुनले कुनै पनि विभेद नगर्ने बताउँदै मैनालीले छुट सुविधा मन लाग्दा लिने र नलिने गर्न मिल्ने भएकाले पनि कर छुटलाई उल्टो ढंगले नबुझ्न सुझाव दिए ।
