शुक्रबार ७ बैशाख, २०८१ | Friday Apr 19, 2024
काठमाडौं । कृषि विकास बैंकमा १ सय ७९ जनाको लागि जागिर खुलेको छ । बैंकले आज सूचना प्रकाशित गरी विभिन्न १२ पदका लागि कर्मचारी माग गरेको हो ।
बैंकद्वारा प्रकाशित सूचना अनुसार बरिष्ठ शाखा प्रमुख पदमा १ जना, शाखा प्रमुख ४ जना, बरिष्ठ लेखा अधिकृत (सिए) ६ जना, बरिष्ठ इन्जिनियर (आईटी) १ जना, व्यवसाय अधिकृत ३८ जना, व्यवस्थापन सुचना प्रणाली (एमआईएस) अधिकृत ३ जना, कानुन अधिकृत २ जना, इन्जिनियर (आईटी) मा १ जना, कर्जा अधिकृत ९ जना, व्यवसाय सहायक ३६ जना, ऋण सहायक ६ जना र लेखपाल ७२ जना माग गरिएको छ ।
बैंकले खुलातर्फ ९२ जना, महिला संख्या २८, आधदवासी जनजाती २७ जना, मधेसी १७ जना, दलित ९ जना, अपाङ्ग २ जना र पिछडियको क्षेत्रतर्फ ४ कर्मचारी माग गरेको हो ।
विभिन्न पदमा १२ कक्षादेखि स्नातकोत्तर तह उतीर्ण भएका, कम्युटरमा आधारभूत तालिम लिएका इच्छुछ व्यक्तिहरुले आवेदन दिन सक्ने छन् ।
योग्यता पुगेका व्यक्तिहरुले जेठ १९ गतेदेखि असार ७ गते दिन भित्र आवेदन दिन सक्ने छन् । दोब्बर दस्तुर तिरेर असार १४ गतेसम्म आवेदन दिन पाइने छ । बैंकको वेबसाइटमार्फत आवेदन दिन सक्ने व्यवस्था रहेको सूचनामा उल्लेख छ ।
