सोमबार २१ असोज, २०८१ | Monday Oct 07, 2024
काठमाडौं । लोकप्रिय सामाजिक सञ्जालटिकटकले नेपालमा टिकटक खुल्ने निर्णयप्रति खुशी प्रकट गरेको छ । उक्त कम्पनीका प्रवक्ताले टिकटक खुल्ने कुराले आफू ज्यादै खुशी भएको बताएका छन् ।
यसका लागि फलदायी संवादमा नेपाल सरकारको निरन्तरको प्रतिबद्धताको कदर गर्छौं भन्दै उनले नेपाली जनमानसको डिजिटल अनुभवको लागि उनीहरूले दिएको चासोलाई कम्पनीले सम्मान गर्ने बताएका छन् ।
कम्पनीले भनेको छ, ‘हाम्रो कम्युनिटिको रचनात्मकता र जोशले नेपाली घरपरिवारमा आनन्दको संचार गर्नुका साथै अविश्वसनीय रूपमा प्रतिभाशाली क्रियटर र व्यवसायहरूका लागि महत्त्वपूर्ण आर्थिक अवसरहरूको ढोकासमेत खोलेको छ ।’
प्रवक्ताले टिकटक नेपालीहरूको उन्मुक्त आवाज बन्न र सिर्जनशीलताको साझा मंचलाई निरन्तरता दिन पाउँदा उत्साहित रहेको भन्दै आफूहरुले नेपालको सफलताको कथालाई सधैंभरि समर्थन गरिरहेको बताएका छन् ।
