बुधबार १२ बैशाख, २०८१ | Wednesday Apr 24, 2024
काठमाडौं । नेकपा एमालेका अध्यक्ष केपी ओलीले संसदमा राष्ट्रिय स्वतन्त्र पार्टीका अध्यक्ष रवि लामिछानेको पक्षका कडारुपमा प्रस्तुत भएका छन् ।
सांसद पद खारेज गर्ने सर्वोच्च अदालतको फैसलामाथि कडा टिप्पणी गर्दै उनले मुद्दा हाल्नेलाई के अन्याय भएर मुद्दा हालेको हो ? अदालतको फैसलाले कसलाई न्याय भयो ? आफूले बुझ्न नसकेको बताए ।
प्रतिनिधि सभाको आइतबार बैठकमा विशेष समय लिएर बोलेका ओलीले सर्वोच्च अदालतलाई सम्मान गर्ने र त्यसअनुसार यो फैसलालाई पनि मानेर कार्यान्वयन गर्ने बताउँदै तर अदालतको फैसला बदनियतपूर्ण ढंगले आएको, मुलुकको सामाजिक परिस्थितिमा कस्तो असर पर्छ भन्ने कुरा ख्याल नगरिएको बताए ।
रवि लामिछानेको नागरिकताको विषयमा असम्बन्धित व्यक्तिले निवेदन दिएको बताउँदै ओलीले एउटा नागरिक राज्यको प्रहारको विषय हुन नहुने बताए । उनले भने, ‘रवि लामिछानेले ढोका खुला देखेर फुत्त पसेको होइन । निर्वाचन आयोगले उम्मेदवार हुन पाउछ भनेर सदर गरेको र चुनाव लड्दा अत्याधिक मतले आफ्नो प्रतिनिधि छानेको हो ।’
सर्वोच्च अदालतले प्रक्रियागत त्रुटि देखाएर फैसला गरेको भन्दै भन्दै ओलीले ‘त्यतिमा सांसद पद गयो, पार्टी अध्यक्ष गयो, गृहमन्त्री गयो, उपप्रधानमन्त्री गयो । धेरै चिजमा धक्का भयो ।’ उनले प्रश्न गरे ‘न्याय भयो कि भएन ? रविजीलाई न्याय भएन भने कसले पायो न्याय ?’
