काठमाडौं । नेपाल स्टक एक्सचेञ्ज लिमिटेड (नेप्से) मा एक करोड ६१ लाख ५५ हजार ५ सय ३३.५४ कित्ता बोनस शेयर सूचीकृत भएको छ ।
एक वाणिज्य बैंकसहित दुई कम्पनीको बोनस शेयर आज सूचीकृत भएको नेप्सेले जनाएको छ ।
यसैक्रममा सिद्धार्थ बैंकले शेयरधनीहरुलाई प्रदान गरेको १२.५० प्रतिशत बोनस बापतको १ करोड ५६ लाख ५५ हजार ५ सय ३३.५४ कित्ता शेयर सूचीकृत भएको हो ।
त्यसैगरी बिन्दवासिनी हाइड्रोपावर डेभलपमेन्ट कम्पनी लिमिटेडले शेयरधनीहरुलाई प्रदान गरेको ५ प्रतिशत बोनस बापतको ५ लाख कित्ता शेयर पनि आजै सूचीकृत भएको नेप्सेले जनाएको छ ।