मेरो पालामा मूल्यवृद्धि ४.६ प्रतिशत पनि भएन, अहिले सात प्रतिशत नाघिसक्योः खतिवडा

काठमाडौं । पूर्व अर्थमन्त्री युवराज खतिवडाले वर्तमान सरकारको अकर्मण्यताको कारण बजार मूल्य अत्याधिक रुपमा वृद्धि भएको दावी गरेका छन् । 

आईतवार नेकपा एमाललेको उपभोक्ता हित संरक्षण तथा सुशासन विभागले आयोजना गरेको कार्यक्रममा उनले नेकपा एमालले सरकार सञ्चालन गर्दा मूल्यवृद्धि ४.६ प्रतिशतभन्दा माथि नभएको जिकिर गरे । खतिवडाले एमालले सरकारमा हुँदा २०७४ देखि ०७८ सम्मको बीचमा औसतमा ४.६ प्रतिशत वृद्धि मात्रै भएको बताए । 

खतिवडाले मूल्यवृद्धि हुँदा आर्थिक मन्दी भन्ने गरेको भन्दै आर्थिक मन्दिमा मूल्य वृद्धि हुनुपर्ने अर्थतन्त्रको सिद्धान्त विपरित भइरहेको बताए । उनले पछिल्लो समय बजारमा आर्थिक मन्दी र बजारमा कृतिम अभाव, एकाधिकार प्रवृति हुँदा समेत सरकारको अनुमगन नहुँदा समस्या रहेको बताए । 

पूर्वमन्त्री खतिवडाले एमालको सरकार भएको बेला अनुगमनको प्रणालीलाई व्यवस्थित गर्न खाजे पनि त्यो निरन्तरता हुन नसकेको बताए । उनले सरकारले नियन्त्रण,नियमित गरेका वस्तुहरु पनि नियमित र समयमा नगर्दा मूल्यवृद्धि उच्च भएको बताए । 

खतिवडाले चाडपर्वको लागि भनेर भन्सार दर घटाएर सरकारले मूल्यमा राहत दिन सक्नुपर्ने भन्दै उपभोक्तालाई क्षणिक लाभ दिँदा सरकारलाई केही बेफाइदा नहुने बताए । उनले सरकारले उखु मिलहरुलाई प्रोत्साहन गरी चिनी उत्पादन बढाउन जोड दिनुपर्ने भएपनि सरकारले गर्न नसकेको उल्लेख गरे । 

सरकारले भन्सार नाकाहरुबाट हुने आयातमा पनि देखावटी मात्रै नियन्त्रण गरको खतिवडाको आरोप छ । उनले सरकारले अन्तर्राष्ट्रियस्तरमा कहाँ युद्ध र कुन मुलुकले कुन वस्तुमा प्रतिवन्ध लगाउँदै छ ? भन्ने कुरा जानकारी दिन समेत नसकेको बताए । 

खतिवडाले कतिपय देशले अर्को देशमा निर्यात गर्न प्रतिवन्ध लगाएका वस्तुहरु कुटनीतिको माध्यमबाट खुला गराए पनि सरकार भने उदासिन रहेको बताए । बजारलाई सूसुचित गर्ने सरकारको प्रणाली नभएको उनले बताए । खतिवडाले भने, ‘सरकारले अन्तर्राष्ट्रियस्तरमा के हुँदैछ ? कहाँ रुस–युक्रेन युद्ध हुँदैछ ? कुन मुलुकले कुन वस्तुमा प्रतिवन्ध लगाउँदै छ ? भन्ने कुरा सरकारलाई थाहा पत्ता छैन । आफ्नो तयारी केही छ्रन् ।’

उनले सरकारले तयारी गरेपछि आर्थिक कुटनीतिको माध्यमबाट कतिपय देशले अर्को देशमा निर्यात गर्न प्रतिवन्ध लगाएका वस्तुहरु कुटनीतिको माध्यमबाट खुला गराए तर नेपाल सरकार सुतेर बसेको बताए । छिमेकी देशहरुले नेपाल एउटा सानो देश हो, उपभोक्ता हितको लागि प्रतिवन्ध लगाए पनि अन्य वस्तुहरु थिए तर सरकार चुप लागेर बस्यौं भन्दै खतिवडाले त्यसको मार उपभोक्ताहरुले खेपिरहेको बताए । 

उनले सरकारले आफ्नो अनुउत्पादक खर्च घटाउन सक्नुपर्ने बताए । खतिवडाले जथाभावी संस्थाहरु स्थापना गरेर खर्च गर्दा उपभोक्ताहरु मारमा परेको बताउँदै अप्रत्यक्ष करमा आभारभुत वस्तुमा कर छुटको हटाएको व्यवस्था सरकारले फिर्ता लिनुपर्ने बताए । 

उनले विद्युतमा अहिले भदौ असोजसम्म छुट दिएर उद्योगहरुको लागत घटाएर सघाउन सक्नुपर्ने बताए । खतिवडाले सरकारले नियन्त्रण गरेका वस्तुहरु आपूर्तिलाई व्यवस्थित गरी आपूर्ति श्रृंखलालाई पनि योजना बनाउन सक्नुपर्ने उल्लेख गरे ।