प्रविधि र पद्दतीको विकासअनुसार सीईओ बन्नेहरुले कुशलता हाँसिल गर्नपर्ने हुन्छः पाण्डे

काठमाडौं । शिखर इन्स्योरेन्स कम्पनीका प्रमुख कार्यकारी अधिकृत (सीईओ) दीपप्रकाश पाण्डेले कर्पोरेट (व्यवसायिक संस्था)हरुमा नयाँ पुस्ताको व्यवस्थापन क्षमता र नेतृत्व क्षमताको विकास गर्दै लैजान जरुरी रहेको बताएका छन् । 

कर्पोरेट नेपालसँगको कुराकानीमा उनले विश्व बजारसँग नेपालको अर्थतन्त्र र कम्पनीहरुलाई प्रतिस्पर्धी बनाउन पनि नेपालले नयाँ पुस्तामा जनशक्ति विकास त्यहीअनुसार गर्नु जरुरी रहेको बताए । 

प्रविधिको विकासले गर्दा संस्थाहरुको नेतृत्व गर्नेहरुले त्यहीअनुसारको ज्ञान, सीप र अनुभव हासिल गर्नुपर्ने जरुरी रहेको उनको भनाई छ । बीमा क्षेत्रमा तीन दशक लामो अनुभव हाँसिल गरेका पाण्डेको विचार जस्ताको तस्तैः 

‘सीईओ बन्न जम्मा दुई वटा कुराहरु अहिले चलेका छन् । एउटा भनेको बीमामा काम गरिरहेको व्यक्ती सीईओ बन्न सक्छ भने अर्को भनेको कम्पनी बाहिरबाट आएका व्यक्तीको पनि क्षमता छ भने उसलाई सीईओ बनाउँने परिपाटी छ । 

यसमा नयाँ व्यक्तीको त उच्च क्षमताको कुरा भई नै हाल्यो तर पुरानो व्यक्तीले कम्पनीप्रति गरेको योगदानको आधारमा उसले सीईओ बन्ने मौका पाउँने हो । कोही पनि सीईओ बन्ने भनेको सबैभन्दा ठूलो कुरा सम्बन्धित कम्पनीले उसलाई पनि ठूलो इज्जत दिएको हो भन्ने मलाई लाग्छ । यसमा धेरै कुराहरु आउँछन् । सीईओ बन्न यही चिज हो भन्ने शुत्र ९फर्मुला० नै मैले बताउँने र त्यसलाई दोस्रो व्यक्तीले लागू गर्ने भन्न त नमिल्ला तर धेरै मान्छेले कुनै पनि कम्पनीमा सफल सीईओ हुन् अपनाउनु पर्ने कुराहरु मैले भन्न सक्छु ।

सीईओ हुने भनेको पारिश्रमीक पाउँने मात्रै काम होइन । यो त कम्पनी र व्यक्तीले जीवनमा कमाएको एक अर्काको कदरहरु एक ठाउँमा बस्ने मौका मिलेको पनि हो । पदवी भनेको उच्च मूल्यांकन मात्र हो । 

आजको दिनमा त बीमा बजारमा दक्ष जनशक्ती आईसकेको अवस्था छ । यस्तो बेलामा हामीले पहिलेको जस्तो सीईओ अभाव छ भनेर सीईओ काम गर्ने भन्दा पनि सीईओलाई अझ क्षमतावान बनाउँन आवश्यक तालिमहरुमा सहभागी गराउँनुपर्छ । म मेरो उदाहरण दिन चाहान्छु । यहाँ मेरो मात्र नभई सबैको कार्य प्रस्तुती शिखर इन्स्योरेन्सको विकासकै लागि हो नि त । यसले त भोली सबैलाई ठूलो ठाउँमा जाने र आफ्नो प्रगति गर्नु पर्छ भन्ने नै सिकाउँने रहेछ ।अब सीईओ बनेपछि पनि संचालक समितिको विश्वास जित्ने, आफ्नो कार्यक्षमता प्रस्तुत गर्ने र आफू मातहतका कर्मचारी साथीहरुको पनि क्षमता विकासमा लाग्ने व्यक्ती नै एउटा सफल सीईओ बन्ने रहेछ ।

सीईओको नेत्तृत्व राम्रो भएको अवस्थामा कुनै पनि शाखामा पनि समस्या आउदैन भन्ने मेरो अनुभव छ । म एउटा साधारण उदाहरण पनि दिन चाहान्छु यसबाट पनि तपाईहरुले धेरै कुरा बुझ्न सक्नु हुन्छ । जस्तो कि आजकाल बैंकको अवार्ड सोमा जाँदा बीमा कम्पनीका सीईओ र कर्मचारीहरु देख्दा पनि बैंकर साथीहरुले पनि अहिले गर्व गर्ने अवस्था सिर्जना हुन थालेको छ ।
 
अहिले एउटा बीमा कम्पनीमा काम गरेको कर्मचारीले भोलि सीईओ नै बन्ने लक्ष्य राख्छ वा अन्य कुनै पनि क्षेत्र उसले हाँक्छ भने त म त्यसलाई चाही ठूलो सफलता मान्छु । अहिलेको बीमा बजारले धेरै अवसर सिर्जना गरेको छ भने त्यसको साथसाथै रोजगारी र क्षमता विकासको अवसर पनि दिएको छ भन्ने चाही मेरो दृष्टिकोण हो ।

सीईओ बन्न मुख्य कुरा भनेको एउटा समूहलाई लान सक्छु भन्ने हुनुपर्यो । अर्को कुरा भनेको जुन कम्पनीको सीईओ हुने हो त्यही सम्बन्धि गहिरो अध्ययन गरेको र आवश्यक अनुभव पनि हाँसिल गरेको हुनुपर्यो । व्यवस्थापनको ज्ञान त जान्नु पर्यो । अझ भनौ म होइन, मबाट हामी भन्ने सोचाईमा पुग्नै पर्यो । नत्र टिमको विकास हुँदैन । टिमलाई साथमा लगेर बजारमा चाहीले जनसम्पर्क लगायतका कुरा छन् ।

अझ, सबैभन्दा महत्वपूर्ण कुरा भनेको सबैको विश्वास जित्दै जानुपर्छ । तपाईले जति विश्वास जित्दै जानु हुन्छ तपाईलाई त्यती नै ठूलो ठाउँको चाबी पनि मिल्दै जान्छ । बीमामा काम गर्न चाहने अबको सीईओहरुले चाही दाबी भुक्तानीको महत्वको बारेमा गहिरो अध्ययन गरेको हुनुपर्छ । बीमितले पाउँने पैसामा झुलाउँने प्रवृत्ती अपनाउँनु हुँदैन, यति भएमा सीईओ बन्न मलाई काफी हुन्छ जस्तो लाग्छ ।’