बिहीबार ३ असोज, २०८१ | Thursday Sep 19, 2024
काठमाडौं । शेयर बजारमा आज पुनः दोहोरो अंकले गिरावट आउँदा नेप्से फेरि १९ सय अंकबाट तल झरेको छ ।
नेपाल स्टक एक्सचेञ्ज लिमिटेडका अनुसार आज बजार ११.२७ अंकले घटेको हो । ०.५९ प्रतिशतले बजार घट्दा नेप्से १८९६.६७ अंकमा ओर्लिएको छ ।
आज २९० कम्पनीका ६० लाख १७ हजार ३ सय ९७ कित्ता शेयर किनबेच हुँदा १ अर्ब ७५ करोड ४७ लाख ५० हजार ७ सय ५५.८२ रुपियाँ बराबरको कारोबार भएको हो ।
समग्रमा बजार घटे पनि अपर साङ्गे हाइड्रोका लगानीकर्ताहरुले सबैभन्दा बढी १० प्रतिशतले नाफा कमाएका छन् ।
त्यस्तै स्वाभिमान लघुवित्तका लगानीकर्ताहरुले सबैभन्दा बढी ८.०४ प्रतिशतले घाटा व्यहोरेका छन् ।
सोनापुर मिनिरल्सको उच्च कारोबार भएको छ । उक्त कम्पनीको ७ करोड ७७ लाख ६३ हजार ५ सय ८५.५० रुपियाँ बराबरको कारोबार भएको नेप्सेले जनाएको छ ।
साताको पहिलो दिन हिजो आइतबार नेप्से ४७.७५ अंकले उचालिंदा २ अर्ब १ करोड १७ लाख ६३ हजार ३ सय ५८.५२ रुपियाँ बराबरको कारोबार भएको थियो ।
