बिहीबार ३ असोज, २०८१ | Thursday Sep 19, 2024
काठमाडौं । निर्जीवन बीमा कम्पनीहरुले चालु आर्थिक वर्षको पहिलो चार महिनामा १२ अर्ब ७३ करोड रुपियाँ बीमाशुल्क आर्जन गरेका छन् ।
गत आर्थिक वर्षको सोही अवधिमा निर्जीवन बीमा कम्पनीहरुले १३ अर्ब ३५ करोड रुपियाँ आर्जन गरेका थिए । समीक्षा अवधिमा निर्जीवन बीमा व्यवसाय एक अर्ब ३८ करोड रुपियाँले घटेको हो ।
यस अवधिसम्ममा सबैभन्दा धेरै बीमाशुल्क सगरमाथा लुम्बिनी जनरल इन्स्योरेन्स (सलिको)ले आर्जन गरेको छ । उक्त कम्पनीले एक अर्ब ६० करोड रुपियाँ बीमाशुल्क आर्जन गर्न सफल भएको छ ।
त्यस्तै, दोस्रोमा सिद्धार्थ प्रिमियर इन्स्योरेन्सले एक अर्ब ३३ करोड रुपियाँ आर्जन गरेको छ भने तेस्रोमा शिखर इन्स्योरेन्सले एक अर्ब २७ करोड रुपियाँ आर्जन गर्न सफल भएको छ ।
नेपाल बीमा प्राधिकरणका तथ्यांकशास्त्री बसन्त बोहोराले निर्जीवन बीमा कम्पनीहरुको व्यवसाय महिनावारी करिब ९ प्रतिशत र कातिकसम्म करिब पाँच प्रतिशतले घटेको बताए । यसरी व्यवसाय घट्नुको कारण कम्पनीहरुको पूराना व्यवसाय नदोहोरिएकोले र नयाँ व्यवसाय कम भित्रिएकोले हो भन्दै उनले यसमा आर्थिक मन्दीको असरले पनि काम गरेको बताए ।
आर्थिक स्थिति विषम हुँदा देशका भौतिक पूर्वाधार र अन्य नयाँ संरचनाहरुको बीमामा आकर्षण कम देखिएको बोरोराले बताए । यसमा बीमा कम्पनीहरुले नयाँ रणनीति ल्याएर बढ्दो जोखिमलाई बीमामा समावेश गर्न आवश्यक रहेको उनले बताए ।
कस्को कति भयो व्यवसाय ?
