बिहीबार २० बैशाख, २०८१ | Thursday May 02, 2024
काठमाडौं । नेपालको चर्चित क्लब प्लाटिनम ‘डीजे म्याग टप १००’ का लागि मनोनयनमा परेको छ ।
योसँगै क्लब प्लेटिनम विश्वको सबैभन्दा ठूलो क्लब प्लेटफर्ममा सन् २०२४ का लागि नेपालको प्रतिनिधित्व गर्ने क्लब बनेको हो । जहाँ विभिन्न देश र महादेशका नाइट क्लबहरू सहभागी हुन्छन् ।
युकेस्थित डिजे म्यागले छनौट गर्ने सन् २०२४ को क्लब क्याम्पियनमा काठमाडौंको दरबारमार्गमा रहेको क्लव प्लाटिनम परेको हो ।
हरेक वर्ष विभिन्न मुलुकमा रहेका उत्कृष्ट क्लबहरूको छनौट गर्दै आएको डिजे म्यागको सन् २०२४ का लागि टप १०० का लागि क्लव प्लाटिनम मनोनयनमा परेको हो ।
सन् २०२० मा स्थापना भएको क्लव प्लाटिनमले अन्तर्राष्ट्रिय मापदण्ड समेत पूरा गरेको छ । जसका कारण पनि उक्त सूचीमा क्लव प्लाटिनममा परेको हो ।
क्लब प्लाटिनमको क्षमता एक हजार ८०० देखि दुई हजार जनासम्म रहेको क्लवका सञ्चालक सञ्जय तामाङ बताउँछन् । उनले भने–‘क्लव प्लाटिनम लोकप्रिय र प्रिमियम नाइट क्लबहरू मध्ये एक हो, जसले साप्ताहिक डाटा बेसमा कार्यक्रमहरू गर्दै आएको छ ।’
क्लव प्लाटिनमले रात्रिकालीन व्यवसाय सञ्चालन गरेर आन्तरिक र बाह्य पर्यटकको प्रवर्द्धनसँगसँगै एकातिर देशमा रोजगारीको सृजना गरेको छ भने अर्कोतिर आर्थिक क्षेत्रमा पनि टेवा पुर्याएको सञ्चालक तामाङ दावी गर्छन् ।
क्लवका सञ्चालक तामाङले क्लव प्लाटिनमले अब नेपालको नाम विश्वभर चिनाउने भन्दै डिजे म्याग टप १०० को छनौटका लागि भोट गर्न अपिल गरेका छन् ।
