मङ्गलबार २५ बैशाख, २०८१ | Tuesday May 07, 2024
काठमाडौं । सोनापुर मिनिरल्स एन्ड आयल लिमिटेडले चालू आर्थिक वर्षको दोस्रो त्रैमाससम्म १४ करोड ७८ लाख रुपियाँ नोक्सानी व्यहोरेको छ । गत आवको सोही अवधिमा २ करोड ६२ लाख रुपियाँ नाफा कमाएको कम्पनीले समीक्षा अवधिमा भने नोक्सानी व्यहोरेको हो ।
पुससम्म कम्पनी १ करोड १४ लाख रुपियाँ सञ्चालन घाटामा छ । गत आवको सोही अवधिमा २५ करोड ७३ लाख रुपियाँ सञ्चालन नाफा आर्जन गरेको थियो । यस्तै, कम्पनीको आम्दानी १ अर्ब ७३ करोड रुपियाँबाट घटेर ७० करोड ५६ लाख रुपियाँमा सीमित भएको छ । यो गत आवको तुनलामा ५९.२१ प्रतिशतले कम हो ।
त्यसैगरी, समीक्षा अवधिमा कम्पनीको कुल आम्दानी पनि ७७.०७ प्रतिशतले घटेर ९ करोड ५१ लाख रुपियाँ कायम भएको छ । गत आवको सोही अवधिमा कम्पनीले ४१ करोड ५० लाख रुपियाँ आम्दानी गरेको थियो ।
दोस्रो त्रैमाससम्म कम्पनीको चुक्ता पुँजी ३ अर्ब ७ करोड ५० लाख रुपियाँ र जगेडा कोषमा ६५ करोड ३३ लाख रुपियाँ जम्मा छ । प्रतिशेयर आम्दानी ९.६२ रुपियाँ (वार्षिक) ऋणात्मक रहेको कम्पनीको प्रतिशेयर नेटवर्थ भने १७४.९८ रुपियाँ छ ।
