शनिबार १२ साउन, २०८१ | Saturday Jul 27, 2024
काठमाडौं । एक बीमा र एक पुनर्बीमा कम्पनीको शेयर मूल्य समायोजन भएको छ । एशियन लाइफ इन्स्योरेन्स कम्पनी लिमिटेड र हिमालयन रि इन्स्योरेन्स लिमिटेडको शेयरमूल्य आज समायोजन गरिएको नेप्सेले जनाएको छ ।
यसैक्रममा एशियन लाइफले शेयरधनीहरुलाई ७.७५ प्रतिशत बोनस शेयर दिने भएपछि प्रतिशेयर मूल्य रु. ६१६.८० कायम गरिएको छ । यसअघि रु. ६६४.६० थियो ।
त्यस्तै हिमालयन रि ले शेयरधनीहरुलाई ४ प्रतिशत बोनस शेयर दिने भएपछि प्रतिशेयर मूल्य रु. ६२०.२९ कायम गरिएको छ । यसअघि रु. ६४५.१० थियो ।
मंगलबारदेखि यी दुबै कम्पनीको समायोजन गरिएको मूल्यबाट शेयर कारोबार हुने नेप्सेले जनाएको छ ।
