सोमबार १७ बैशाख, २०८१ | Monday Apr 29, 2024
काठमाडौं । केन्द्रीय अनुसन्धान ब्युरो (सीआईबी) ले सुन तस्करी प्रकरणमा संलग्न प्लाटिनम कलेजका अध्यक्ष जीवनकुमार गुरुङलाई पक्राउ गरेको छ । सीआईबीका प्रवक्ता होविन्द्र बोगटीका अनुसार गुरुङलाई काठमाडौं सामाखुसीबाट पक्राउ गरिएको हो ।
१४ किलो सुन तस्करीको अनुसन्धान गर्दा गुरुङ मुख्य योजनाकार रहेको पाइएको थियो । अनुसन्धानमा क्रममा १४ किलो सुनसहित पक्राउ परेका चन्द्र घले र घलेले पोलेका मीनबहादुर घलेलाई गुरुङले परिचालन गरेको खुलेको थियो ।
पक्राउ पुर्जी जारी भएपछि गुरुङ फरार थिए ।
अहिले उनीमाथि थप अनुसन्धान भइरहेको सीआईबीले जनाएको छ ।
