आइतबार १६ बैशाख, २०८१ | Sunday Apr 28, 2024
काठमाडौं । महाशिवरात्रिको अवसरमा पशुपतिको चार किल्लाभित्र माछामासु, मदिरा तथा नसालु पदार्थ बेच्न नपाइने भएको छ ।
जिल्ला प्रशासन कार्यालय काठमाडौंले महाशिवरात्रि पर्वलाई मर्यादित र व्यवस्थित बनाउन तथा पाशुपत क्षेत्रको सुरक्षालगायत धार्मिक तथा सांस्कृति मर्यादा कायम राख्न भन्दै यी पदार्थ उत्पादन तथा बेचबिचखन गर्न नपाइने जनाएको छ ।
बेचबिखन तथा उत्पादन गरेमा प्रचलित कानुनबमोजित कारबाहीसमेत हुने कार्यालयले जनाएको छ ।
यो नियम भोलि अर्थात् फागुन २३ गतेदेखि लागू हुनेछ ।
कहाँदेखि कहाँसम्म निषेध ?
गौशला मित्रपार्क सडकदेखि पूर्व, पशुपति क्षेत्रको पूर्वी सीमानादेखि पश्चिम, गौशाला तिलगंगा चक्रपथदेखि उत्तर, मित्रपार्क–उमाकुण्ड–गौरीघाट हुँदै गुह्येश्वरीदेखि दक्षिणभित्रका सबै भाग ।
