आइतबार १६ बैशाख, २०८१ | Sunday Apr 28, 2024
काठमाडौं । नेपाल स्टक एक्सचेञ्ज लिमिटेड (नेप्से) मा १ करोड १९ हजार ५ सय ८५ कित्ता बोनस शेयर सूचीकृत भएको छ । विभिन्न चार कम्पनीको बोनस शेयर सूचीकृत भएको हो ।
यसैक्रममा हिमालयन एभरेष्ट इन्स्योरेन्सले शेयरधनीहरुलाई प्रदान गरेको ८.६३ प्रतिशत बोनस बापतको १९ लाख ८६ हजार २ सय २४ कित्ता बोनस शेयर सूचीकृत भएको हो ।
त्यस्तै जीवन विकास लघुवित्त शेयरधनीहरुलाई प्रदान गरेको १४ प्रतिशत बोनस बापतको १६ लाख ५४ हजार ८ सय ४७ कित्ता शेयर पनि सूचीकृत भएको छ ।
यसैगरी यूनाइटेड अजोड इन्स्योरेन्स कम्पनीले शेयरधनीहरुलाई प्रदान गरेको १०.२६१२ प्रतिशत बोनस बापतको १९ लाख ५४ हजार ३ सय २० कित्ता शेयर पनि आजै सूचीकृत भएको छ ।
यता, सोल्टी होटल लिमिटेडले शेयरधनीहरुलाई प्रदान गरेको ५ प्रतिशत बोनस बापतको ४४ लाख २३ हजार ८ सय ६४ कित्ता शेयर हिजो सूचीकृत भएको नेप्सेले जनाएको छ ।
