आइतबार १६ बैशाख, २०८१ | Sunday Apr 28, 2024
काठमाडौं । दिव्य शान्ति बचत तथा ऋण सहकारीका अध्यक्ष कृष्ण महर्जन पक्राउ परेका छन् ।
सञ्चालकले आफूहरुलाई ठगेको भन्दै सो सहकारीका ४० जनाभन्दा बढी बचतकर्ताले प्रहरीमा उजुरी दिएका थिए । बचत फिर्ता गर्न पटक–पटक गरेको अनुरोधलाई बेवास्ता गरी उल्टै महर्जन कार्यालय बन्द गरेर फरार भएका थिए ।
बचतकर्ताको करिब चार करोड रुपियाँ अपचलन गरेर फरार भएको बताइएको छ ।
उनलाई यही फागुन २३ गते चितवनबाट पक्राउ गरेर काठमाडौं ल्याई कानुनी कारबाही प्रक्रिया अघि बढाइएको छ ।
हाल जनसेवा प्रहरीको नियन्त्रणमा रहेका महर्जनलाई आज अदालतमा पेस गर्ने तयारी छ ।
सहकारी कृष्ण महर्जनका परिवारका सदस्य र आफन्त मिलेर चलाउँदै आएका थिए । कृष्णकी श्रीमती अञ्जलाले सो सहकारीको व्यवस्थापकको रुपमा काम गर्दै आएकी थिइन् ।
