काठमाडौं । आईपीओ निष्कासनको प्रस्ताव पारित गर्न निलगिरि खोला हाइड्रोपावर लिमिटेडले विशेष साधारणसभा डाकेको छ । सभा, आगामी वैशाख २० गते दिन बस्नेछ ।
कम्पनीको चैत २८ गते बसेको सञ्चालक समिति बैठकले सो निर्णय गरेको हो । सभा काठमाडौं, लाजिम्पाटस्थित आरबी कम्प्लेक्समा बिहान १०ः३० बजेदेखि सुरु हुने बताइएको छ ।
सभामा सर्वसाधारणका लागि प्रारम्भिक साधारण सेयर निष्कासन गर्ने, प्रबन्धपत्र तथा नियमावलीमा आवश्यक संशोधन गर्ने, सर्वसाधारणलाई छुट्याइएको सेयर बाहेकको जारी पुँजीमा चुक्ता हुन बाँकी शेयरका बारेमा निर्णय गर्नेलगायतका प्रस्ताव पारित गरिनेछ ।