बिहीबार २७ बैशाख, २०८१ | Thursday May 09, 2024
काठमाडौं । एसीसी प्रिमियर कप २०२४ अन्तर्गत सोमबार भएको खेलमा नेपालले हङकङलाई ८ विकेटले हराउँदै लगातार तेस्रो जित हात पारेको छ ।
एक सय १५ रनको लक्ष्य पछ्याएको नेपालले १२.२ ओभरमा २ विकेट गुमाउँदै लक्ष्य पूरा गरेको हो । नेपालले पहिलो खेलमा मलेसियालाई ५ विकेट र दोस्रो खेलमा कतारलाई ३२ रनले हराएको थियो ।
समूह चरणको अन्तिम खेल बुधबार साउदी अरेवियासँग नेपालले खेल्नेछ । यद्यपि नेपालले समूह चरण पार गर्न यो खेल औपचारिकता मात्रै हो ।
हरेक समूहबाट दुई टोली सेमिफाइनलमा पुग्नेछन् । प्रतियोगिताको विजेताले टी २० विश्वकपपछि हुने एसिया कप टी २० प्रतियोगिता खेल्न पाउनेछ ।
