शनिबार १२ साउन, २०८१ | Saturday Jul 27, 2024
काठमाडौं । केही दिनदेखि बढिरहेको शेयर बजारमा आज करेक्शन आएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ९.५४ अंकले घटेको हो । ०.४७ प्रतिशतले बजार घट्दा नेप्से परिसूचक २०१७.९७ अंकमा ओर्लिएको छ ।
समग्रमा बजार घटे पनि उत्पादनमूलक १.४० र म्युचुअल फण्ड ०.१७ प्रतिशतले बढे भने बाँकी राताम्मे भए ।
आज ३१५ कम्पनीका ८४ लाख ९० हजार ७ सय २२ कित्ता शेयर किनबेच हुँदा ३ अर्ब ७० करोड ८४ लाख ३० हजार ५५.१७ रुपियाँ बराबरको कारोबार भएको हो ।
दुई कम्पनीमा पोजेटिभ सर्किट लाग्यो । उपकार लघुवित्त र यूनिक नेपाल लघुवित्तका लगानीकर्ताहरुले १०-१० प्रतिशतले नाफा कमाए ।
त्यस्तै गुराँस लघुवित्तका लगानीकर्ताहरुले सबैभन्दा बढी १० प्रतिशतले घाटा व्यहोरेका छन् ।
आज पिपुल्स पावरको उच्च कारोबार भएको छ । उक्त कम्पनीको ११ करोड ८९ लाख ९५ हजार ३ सय ६४.९० रुपियाँ बराबरको कारोबार भएको नेप्सेले जनाएको छ ।
साताको पहिलो दिन आइतबार ८.२६ अंकले बजार बढ्दा ३ अर्ब १५ करोड ५१ लख ४२ हजार १ सय ६८.४३ रुपियाँ, सोमबार २४.३९ अंकले बजार बढ्दा ३ अर्ब ४० करोड ८६ लाख ८ हजार १ सय ५७.९१ रुपियाँ र हिजो मंगलबार २८.६२ अंकले बजार बढ्दा ४ अर्ब ८ करोड ८८ लाख ५३ हजार ६ सय ६४.८० रुपियाँ बराबरको कारोबार भएको थियो ।
