शनिबार १९ जेठ, २०८१ | Saturday Jun 01, 2024
काठमाडौं । इन्साइडर ट्रेडिङको आरोप लागेपछि अपि पावरका सञ्चालक इन्द्रमणि त्रितालले राजीनामा दिएका छन् । उनीमाथि श्रीमती सीता घिमिरे त्रितालको नामबाट इन्साइडर ट्रेडिङ गरेको आरोप लागेको छ ।
त्रिताल एकैपटक दुई हाइड्रोपावर कम्पनीका सञ्चालक थिए । उनले आफू सञ्चालक रहेको अर्को जलविद्युत कम्पनी इन्हवा हाइड्रोपावरको सञ्चालक पदबाट समेत राजिनामा दिएका छन् ।
धितोपत्र सम्बन्धी ऐन अनुसार कुनै पनि सूचीकृत कम्पनीका सञ्चालकले आफु सो पदमा रहँदासम्म आफ्नो कम्पनीको शेयर आफू र आफन्तको नामबाट गर्न नपाइने व्यवस्था छ ।
यसअघि अपि पावरकै गुरुप्रसाद न्यौपानेमाथि यसैगरी कारबाही भइसकेको छ ।
