आइतबार १६ भदौ, २०८१ | Sunday Sep 01, 2024
काठमाडौं । सूर्योदय वोमी लघुवित्त वित्तीय संस्थाले करिब ६२ हजार कित्ता संस्थापक शेयर लिलाम बिक्रीमा राखेको छ ।
लघुवित्तले एनआईसी एशिया बैंक लिमिटेडले आफ्नो स्वामित्वमा रहेको ६१ हजार ८०५ कित्ता शेयर लिलामीमा राखेको हो ।
लिलामी शेयरको न्यूनतम मूल्य २ सय ९४ रुपियाँ निर्धारण गरिएको छ ।
इच्छुक लगानीकर्ताले आफूले लिन चाहेको शेयर संख्या, प्रतिकित्ता दररेट अंक र अक्षरमा स्पष्टसँग लेखी यही जेठ १३ गतेसम्म बोलपत्र पेस गर्नुपर्नेछ ।
न्यूनतम ५ हजार कित्तादेखि अधिकतम सबै कित्ताका लागि खरिद आवेदन दिन सक्ने बताइएको छ ।
बोलपत्र आवेदन काठमाडौं बबरमहलस्थित एनआईसी एशिया क्यापिटलको कार्यालय वा थापाथलीस्थित एनआईसी एशिया बैंकको कर्पोरेट कार्यालयसँगै विराटनगर, वीरगन्ज, महेन्द्रनगर,पोखरा, बुटवल, धनगढी र सुर्खेत शाखा कार्यालयमा बुझाउन सकिनेछ ।
