बिन्दु अधिकारी ढकालको संस्मरणसंग्रह ‘कोपिलाका सुगन्ध’ विमोचन

काठमाडौं । बिन्दु अधिकारी ढकालद्वारा लिखित संस्मरणसंग्रह ‘कोपिलाका सुगन्ध’ विमोचन भएको छ । यस संग्रहमा देशका विविध क्षेत्रमा ख्याति कमाएका व्यक्तिहरूको बालापन समेटिएको छ । 

सीताराम–पदमकुमारी फाउन्डेसनले आयोजना गरेको कार्यक्रममा प्रमुख अतिथि​ हास्यकलाकार हरिवंश आचार्यले उक्त पुस्तक विमोचन गरेका हुन् । उनले भने, ‘यो पुस्तकमा मेरो कथासहित देशका ख्यातिप्राप्त व्यक्तिहरूका कथाका विषयमा लेखिएको छ, लेखन तथा साहित्यिक क्षेत्रमा यतिसम्मको कलम चलाउन सक्नु ठूलो कुरा हो ।’ 

अर्का  हास्यकलाकार मनोज गजुरेलले विन्दु अधिकारी ढकालद्वारा लिखित संस्मरण सङ्ग्रह कोपिलाका सुगन्ध मार्मिक एवं सान्दर्भिक भएको बताए । त्यसैगरी पूर्वमन्त्री शङ्करप्रसाद कोइरालाले देशका नाम चलेका व्यक्तिका बालापन समेटिएको पुस्तक पठनीय भएको बताए ।

लेखक बिन्दु अधिकारी ढकालले घरपरिवार, विभिन्न राष्ट्रियस्तरका पत्रपत्रिकाका एवं सञ्चारमाध्यमको साथ र सहयोगका कारण आफूले साहित्यलगायत पुस्तक लेखनमा अघि बढ्न सफल भएको बताइन् । उनले आफ्ना बुबा अक्सिजन कवि बालकृष्ण अधिकारी ‘धनकुटे’ को प्रेरणाबाट लेखनमा लागेको बताइन् ।

ढकालद्वारा लिखित उक्त पुस्तकमा अनुराधा कोइराला, डा आशा सिंह, उर्मिला उपाध्याय गर्ग, करिष्मा मानन्धर, कालिप्रसाद बास्कोटा, कुलमान घिसिङ, कृष्णचन्द्र शर्मा, प्रा डा कृष्णहरि बराल, केदार घिमिरे माग्ने बुढा, गङ्गा सुवेदी, गङ्गाप्रसाद उप्रेतीको बालापन समेटिएको छ । 

त्यसैगरी, गीता केशरी, गुणराज लुइँटेल, डा चन्द्रमणि अधिकारी, जितु नेपाल मुन्द्रे, ढुण्डिराज शास्त्री, तिलबहादुर कार्की, दिनेशकुमार थपलिया, डा निलम ढुङ्गाना, परशु प्रधान, पारस खड्का, प्रकाश सपुत, प्रतिभा राणा, भवानी राणा, भेषराज कँडेल, मनोज गजुरेल, महाप्रसाद अधिकारी, महावीर पुन, माधवकुमार नेपाल, प्रा माधवप्रसाद आचार्य, डा. मानबहादुर विश्कर्मा, मेलिना राई, मोदनाथ प्रश्रित, यादव खरेल, डा यावदकुमार भट्ट, प्रा डा युवराज सङ्ग्रौला, राजेश हमाल, राधिका शाक्य, व्याकुल माइला, शङ्करप्रसाद कोइराला, शशि शाह, डा शान्तराज सुवेदी, शेरबहादुर कुँवर केसी, सपना प्रधान मल्ल, सर्वेन्द्र खनाल, सीताराम कट्टेल धुर्मुस, सुनिल पोख्रेल, सुशीला कार्की तथा हरिवंश आचार्यको पनि बालपन समेटिएको छ ।