आइतबार १६ भदौ, २०८१ | Sunday Sep 01, 2024
काठमाडौं । ट्राफिक प्रहरी प्रभाग, दरबारमार्गमा कार्यरत प्रहरी जवान युवराज घिमिरे मारिएको हुन सक्ने प्रारम्भिक अनुसन्धानबाट देखिएको छ ।
प्रहरीले घिमिरेको हत्या आशंकामा सचिन परियारसहित ६ जनालाई पक्राउ गरेको छ ।
काठमाडौं प्रहरीको विशेष टोलीले उनीहरूलाई पक्राउ गरेको हो ।
घिमिरेको शव शुक्रबार शंकास्पद अवस्थामा भेटिएको थियो । ड्युटी सकेर घर फर्किंदै गर्दा तारकेश्वर नगरपालिका—९, मनमैजुमा उनको हत्या भएको थियो ।
पक्राउ परेकाहरूमाथि थप अनुसन्धान अघि बढाएको प्रहरीले जनाएको छ ।
