शनिबार १२ साउन, २०८१ | Saturday Jul 27, 2024
काठमाडौं । सांग्रिला डेभलपमेन्ट बैंक लिमिटेडले संस्थापक शेयर बिक्रीका लागि राखेको छ ।
बैंकले शेयरधनी उमेशकुमार मुडभरीका नाममा रहेको सात हजार ६४२ कित्ता संस्थापक शेयर बिक्रीमा राखेको हो ।
यस शेयरमा हाल बैंकका कायम शेयरधनीले मात्रै खरिद आवेदन दिन पाउनेछन् ।
खरिद गर्न इच्छुक संस्थापक शेयरधनीले आफूले खरिद गर्न चाहेको कित्ता संख्या खुलाई आवश्यक कागजातसहित ३५ दिनभित्र बैंकको केन्द्रीय कार्यालय बालुवाटार, काठमाडौंमा निवेदन दिनुपर्नेछ ।
तोकिएको समयभित्र शेयरधनीबाट खरिद निवेदन नपरेको खण्डमा सो शेयर अन्य व्यक्तिलाई बिक्री गर्ने प्रक्रिया अघि बढाइने बैंकले जनाएको छ ।
