बुधबार २६ बैशाख, २०८१ | Wednesday May 08, 2024
काठमाडौं । महोत्तरीमा रहेको एनएमबि बैंकको शाखामा आज दिउँसो लुटपाट भएको छ ।
मध्याह्न साढे १२ बजे महोत्तरी गाउँपालिका वडा नम्बर २ मा रहेको उक्त बैंकको शाखा लुटपाट भएको हो ।
प्रहरीका अनुसार मास्क लगाएका ४ जनाले पेस्तोल देखाएर बैंक लुटपाट गरेका हुन् ।
बैंकबाट करिब ३५ लाख रुपियाँ लुटपाट भएको प्रारम्भिक जानकारी प्राप्त भएको छ ।
बैंक लुटेर फरार भएकाहरुको खोजी कार्य जारी राखिएको प्रहरीले जनाएको छ ।
