बुधबार १९ बैशाख, २०८१ | Wednesday May 01, 2024
रियाद । रूसले युक्रेनमाथि आक्रमण गरेपछि गत वर्षको सोही अवधिको तुलनामा तीव्र गिरावट आएपछि तेल कम्पनी साउदी अरामकोले सोमबार दोस्रो त्रैमासिकका लागि ३०.०८ अर्ब अमेरिकी डलर नाफा घोषणा गरेको छ ।
साउदी स्टक एक्सचेन्जमा प्रकाशित एक विज्ञप्तिमा भनिएको छ, “वार्षिक रूपमा ३८ प्रतिशतको गिरावटले मुख्यतया कच्चा तेलको मूल्यमा आएको कमी र कमजोर रिफाइनिङ र रसायन नाफाको अवस्थालाई प्रतिबिम्बित गर्दछ ।
यो गिरावट पहिलो त्रैमासिकमा १९.२५ प्रतिशतले घटेको थियो ।
“हाम्रो नतिजाले हाम्रो लचिलोपन र बजार चक्रमार्फत अनुकूलन गर्ने क्षमतालाई प्रतिबिम्बित गर्दछ,” साउदी अरामकोका कार्यकारी प्रमुख अमिन नासेरले भने ।
“हामी विश्वसनीयताको उच्च स्तरको साथ विश्वभरका ग्राहकहरूको आवश्यकता पूरा गर्न हाम्रो दीर्घकालीन क्षमता प्रदर्शन गर्न प्रयास जारी राख्छौं । हाम्रा शेयरधनीहरूका लागि, हामी तेस्रो त्रैमासिकमा हाम्रो पहिलो प्रदर्शन, लिङ्क्ड लाभांश वितरण सुरु गर्ने योजनामा छौँ ।”
अप्रिलमा रियादले प्रति दिन पाँच हजार ब्यारेल पेट्रोलियम पदार्थ निर्यातमा कटौतीको घोषणा गरेपछि विश्वको सबैभन्दा ठूलो कच्चा तेल निर्यातकर्ताको उत्पादनमा गिरावट आएको हो ।
जुनमा साउदी ऊर्जा मन्त्रालयले प्रति दिन १० लाख ब्यारेल थप स्वैच्छिक कटौतीको घोषणा गरेको थियो । जुन जुलाईमा लागू भएको थियो र सेप्टेम्बरसम्मका लागि विस्तार गरिएको छ ।
राज्यको दैनिक उत्पादन अहिले लगभग नब्बे लाख ब्यारेल छ । यो उत्पादन यसको दैनिक क्षमता एक लाख २० हजार ब्यारेलभन्दा धेरै कम छ । रासस/सिन्ह्वा
