काठमाडौं । अर्थमन्त्री प्रकाशशरण महतले सरकारले १२ कक्षा पास गर्ने बित्तिकै विदेश जाने प्रवृत्ति रोक्नुपर्ने आवश्यकता देखिएको बताएका छन् ।
बुधवार राजधानीमा आयोजित एक कार्यक्रममा उनले पछिल्लो समय १२ कक्षा पास गर्न नपाउँदै विदेश जाने पद्धतीको विकास भएको भन्दै सरकारले रोक्ने अभियान चालउन आवश्यक रहेको बताए । महतले विदेशमा गएपछि सबै समस्या हल हुनेगरी शैक्षिक परामर्श केन्द्रहरुले प्रचार गरेको आरोप लगाए ।
उनले आफू पनि विदेशमा बसेर आएको हुनाले विदेशमा भनेको जस्तो सहज अवस्था नभएको उल्लेख गर्दै नेपालमा नै धेरै श्रमशक्तिहरुको आवश्यकता रहेको भए पनि विदेश जाने पद्धतीले समस्या निम्त्याएको दाबी गरे ।
मन्त्री महतले सरकाले नेपालको शिक्षा प्रणालीलाई सुधार गर्न आवश्यक रहेको बताए । उनले नेपालमा नम्बरका आधारमा धेरै विश्वविद्यालयहरु खोल्ने डिन र भिषी बन्ने तर विद्यार्थीको शिक्षामा गुणस्तर वृद्धि नगर्ने अवस्था रहेको बताए ।
अब सरकारले लगानी गरेर शिक्षा प्रणाली सुधार गर्ने महतको भनाई थियो । उनले सरकारसँग स्रोत कम भएकोले पर्याप्त बजेट व्यवस्थापन गर्नसके आगामी दिनमा शिक्षा क्षेत्रमा सुधार आउने जिकिर गर्दै देशको आर्थिक स्रोत कम रहेको तर आवश्यकता धेरै रहेको बताए । सबै मागहरुलाई सरकारले एकै पटक पूरा गर्नसक्ने महतको जिकिर छ ।
उनले भने, ‘विदेशमा पठाउने कन्सलट्यान्सीहरुले विदेशमा गए सबै कुरा समाधान हुनेगरी विज्ञापन प्रचार गरिरहेका छन् । तर विदेशमा जानेबित्तिकै सबै समस्या समाधान हुन्छ भन्ने छैन् । विदेशमा जानेहरु ठूलो समस्यामा छन् । स्वदेश फर्कन वा बस्नु भन्ने समस्याहरु छन् । नेपालमा नै धेरै ठूलो श्रम शक्तिको माग छ । न्ेपालको शिक्षक बन्न चाहेकका छैनौं । विदेशमा शिक्षक बन्ने कुरा फरक कुरा हो । १२ कक्षा पास गर्ने वितिकै विदेशमा जाने ट्रेनलाई रोक्न अभियान थाल्नुपर्छ ।’
महतले थपे, ‘नेपालको शिक्षा प्रणालीलाई सुधार गर्नुपर्छ भन्ने पक्षमा सरकार पनि छ । नम्बरका आधारमा धेरै विश्व विद्यालयहरु खोल्ने डिन र भिषी हुने तर विद्यार्थीको शिक्षामा गुणस्तर वृद्धि गर्न सरकारले लगानी गर्नुपर्छ । सरकारसँग स्रोत कम भएकोले प्रर्याप्त बजेट व्यवस्थापन गर्न सकेको छै्रनौँ । आगामी दिनमा शिक्षा क्षेत्रमा सुधार आउँछ । यो विषयमा सरकार गम्भिर छ । देशको आर्थिक स्रोत कम छ तर आवश्यकताहरु धेरै छ । सबै मागहरुलाई सरकारले एकै पटक पूरा गर्न सक्दैन । सरकार र प्रतिपक्षमा हुने सबैले एकतावद्ध भएर देश विकासको लागि पहिलो प्राथमिकता के हो त्यो छुट्याएर लगानी गर्न आवश्यक छ । सरकारले जुन देशले जे दिए पनि वैदेशिक सहयोग लिने कुरा छाड्नुपर्छ ।’