राशिफलः आज (कार्तिक १४) तपाइँको पेशा, व्यवसाय, शेयर कारोबार कस्तो रहला ?

आज वि.सं.२०८० साल कार्तिक महिनाको १४ गते मंगलबार, कार्तिक कृष्णपक्षको तृतीया तिथि ।

मेष 
बौद्धिक क्षेत्रमा बृद्धि हुने छ । तर अव्यावहारिक जस्तो बानीले गर्दा अरुसँग घुलमिल हुन कठिनाई हुने छ । प्रतिष्पर्धात्मक क्षमतामा भने गिरावट हुन जाने छ । पेशागत जीवनमा कठिनाईहरुको सामना गर्नु पर्ने भएकाले संयमित रहनु नै उचित हुने देखिन्छ । रोगव्याधीजन्य विषयमा सतर्क रहनु होला । शेयर बजारबाट लाभ मिल्ने छैन् । 

मिथुन 
घर परिवारमा द्वन्दको अवस्था आउने छ । शारीरिक कमजोरीले सताउने छ भने मनोबलमा कमि हुने छ । पैतृक सम्पत्तिको प्रयोगका विषयमा परिवारका सदस्यहरुबीच आपसमा कुरा मिल्ने छैन् । होटल, रेष्टुरेण्ट, सुरक्षा निकाय, बाउन्सर, खेल, सेक्युरिटि क्षेत्र, जलविद्युत क्षेत्रमा संलग्न रहेकाहरुलाई चुनौतिपूर्ण रहने छ । शेयर बजारमा गुमाउनु पर्ने छ ।

कर्कट
आम्दानीका स्रोतहरुमा जटिलताहरु देखा पर्ने छ । पेशा व्यावसायमा अवसरहरु थपिने छैन् । औसत रुपमा नियमित तवरले भइरहेका कामहरु रोकिन जाने छन् । पेशागत जीवनमा सोच्दै नसोचेका समस्याहरु आउने छन् । भाग्यको साथ रहेकाले प्रतिकुलताबाट निस्कन भने केही उर्जा मिल्ने छ । शेयर बजारबाट आंशिक लाभ मिल्ने छ । 

सिंह
नरम व्यक्तित्व हुने भएकाले सबैसँग मिल्न सक्ने स्वाभाव हुने छ । पेशागत जीवनमा अवरोधहरु देखा पर्न जाने छन् । कामको शिलशिलामा विदेश यात्रामा जान चाहनेका लागि समय प्रतिकुल बन्न जाने छ । भाग्यको साथ नरहेकाले कर्मको मात्रा बढाउनु पर्ने देखिन्छ । शेयर बजारबाट फाइदा मिल्ने छ ।

कन्या
कडा खालको रिस हुने छ । भाग्यको साथ नरहेकाले कार्य अवरोध औसत भन्दा धेरै हुन पुग्ने छ । जीवनसाथिको साथका कारण पेशागत जीवनमा सकारात्मक नतिजा प्राप्त हुने छ । दृढ व्यक्तित्व बन्ने छ । शिक्षा क्षेत्र, बोडिङ्ग तथा कलेज, शिक्षण, अध्यापन आदीमा सहभागिहरुलाई सकारात्मक हुन कठिन देखिन्छ । तर औषधीजन्य कारोवारमा रहेकाहरुलाई फाइदा मिल्ने छ । शेयर बजारबाट अलिअलि लाभ मिल्ने छ ।

तुला
कडा खालको शैलीको व्यक्तित्व हुने छ । रिस पनि धेरै उठ्ने भएकाले झैझगडामा धकेलिदिने छ । प्रतिष्पर्धात्मक स्वाभाव उच्च रहने भएकाले कठिनाईहरुसँग जुध्न तागत प्राप्त हुने छ । साझेदारीमा गरिएका कामहरुमा समस्याहरु देखा पर्ने छन् । पेशागत जीवन औसत अवस्थाबाट गुज्रने छ । शेयर बजार मध्यम रहने छ ।

वृश्चिक
पारीवारिक शान्तिमा अशान्ति फैलने छ । सन्तानका गतिबिधिबाट जीवनमा जटिलता आउने छ । पेशागत जीवनमा समस्याहरु देखा पर्ने समय रहेकाले विचार गरेर मात्र कदम चाल्नु होला । ठेक्कापट्टा, मित्रहरुबाट धोका हुने छ । राजनीति, प्रशासन, कपडाको व्यापार आदी जस्ता क्षेत्रमा आवद्धहरुलाई समय चुनौतिपूर्ण रहेको छ । शेयर बजारमा नोक्सानी हुने छ ।

धनु 
रोगव्याधीका कारण शारीरिक कमजोरीले सताउने छ । मनोबलको कमि हुने छ भने मनमा दुविधात्मक सोचाईहरुले गर्दा अन्योलता उत्पन्न हुन पुग्ने छ । भाग्यको साथ रहेकाले हानि भइहाल्ने अवस्था छैन्, त्यसैले डराई हाल्नु पर्ने समय रहेको भने छैन् । पेशागत जीवनमा कठिनाईहरुको सामना गर्नुपर्ने छ । शेयर बजार शुभ रहने छैन् ।

मकर 
आर्थिक दबाब उत्पन्न हुने छ । मनोबलमा कमजोरी देखा पर्ने भएकाले संयमित रहि पाइला चाल्नु होला । मनमा दुविधाले सताउने हुँदा निराशाजनक भावले पिरोल्ने छ । पानी, कोल्ड ड्रिङ्स, दुग्ध पदार्थ, मदिरा आदी जस्ता क्षेत्रमा सक्रियहरुलाई समय अनुकुल बन्न सक्ने छैन् । शेयर बजारबाट थोरै लाभ मिल्ने छ ।

कुम्भ 
भविष्य प्रतिको चिन्ताले वर्तमान खल्लो बनाउने छ । मनमा दुविधाको मात्रा धेरै बढ्न पुग्ने छ । बोलीमा कटुपना देखा पर्ने भएकाले संयमित रहनु होला । पेशागत जीवनमा स्थिरत रहने छ । आम्दानीमा पनि बृद्धि हुन पुग्ने छ । स्टेसनरी, शिक्षा क्षेत्र, धार्मिक क्षेत्र आदीमा सहभागिहरुलाई अनुकुल रहने छैन् । शेयर बजारबाट फाइदा मिल्ने छ ।

मीन
व्यक्तित्वमा बृद्धि हुने छ । अरुले हेप्ने सक्ने छैनन् । पेशागत जीवन र आम्दानीमा सकारात्मक नतिजा देखा पर्न थाल्ने छ । पारीवारिक जीवनमा भने द्वन्दको वातावरण सृजना हुन पुग्ने छ । निर्माण क्षेत्र, हार्डवेयर, रङ्ग, ठेक्कापट्टा, विषादी जस्ता क्षेत्रमा रहेकाहरुलाई फाइदा मिल्ने छ । शेयर बजारबाट लाभ मिल्ने छ ।

(गुरु पन्त ज्योतिषी, पण्डित, वास्तुविद्, आध्यात्मिक उत्प्रेरक, रत्नविद् एवं हस्तरेखाविद् हुन् । सम्पर्क– ९८४१५२७५१०)