आइतबार २३ बैशाख, २०८१ | Sunday May 05, 2024
काठमाडौं । ससंदको सार्वजनिक लेखा समितिले टेरामक्स प्रकरणमा भ्रष्टाचार भएको निष्कर्ष निकालेको छ । समितिले अख्तियार दुरुपयोग अनुसन्धान आयोगलाई छानविन अघि बढाउन निर्देशन दिएको हो ।
टेरामक्स खरिद प्रकृयामा प्रविधिको मूल्य धेरै राखी खरिद गरिएको थियो । जसमा एक ल्यापटपको मूल्य नै ६४ लाख तोकिएको छ । दूरसंचार प्राधिकरण र सूचना तथा सञ्चार मन्त्रालयका कर्मचारी मिलेर भ्रष्टाचार गरेको देखिएको हो ।
यो प्रकरणमा तत्कालीन सञ्चार सचिव हालका मुख्य सचिव डा. बैकुण्ठ अर्याल, सहसचिव उत्तरकुमार खत्री भ्रष्टाचार काण्डमा मुछिएका छन् । यस्तै प्राधिकरणका अध्यक्ष पुरुषोत्तम खनालपनि यो प्रकरणमा सहभागी छन् ।
आयोगले भने यो प्रकरणमा अधिकाँस अनुसन्धान सकिसकेको छ । अख्तियार स्रोतका अनुसार अब मुद्दा दायार गर्न मात्रै बाँकी रहेको छ ।
समितिले भने प्रत्येक ३० दिनमा समितिलाई जानकारी गराउन भनेको छ ।
लेखा समितिले टेरामक्स प्रणाली खरिदबारे बुधबार नेपाल दुरसञ्चार प्राधिकरण, नेपाल टेलिकम लगायतका निकायका अधिकारीहरुसँग छलफल गरेको थियो ।
