नेपाल वायुसेवा निगम अहिलेकै हालतमा चले १० बर्षमा हिमाल सिमेन्ट बन्छः योगेश भट्टराई

काठमाडौं । पूर्वसंस्कृति, पर्यटन तथा नागरिक उड्डयनमन्त्री योगेशकुमार भट्टराईले नेपाल वायुसेवा निगम पब्लिक कम्पनी मोडलमा नगएसम्म सुधार नहुने दाबी गरेका छन् । 

शुक्रवार नेपाल नागरिक उड्डयन प्राधिकरण को २५ औँ वार्षिकोत्सवका अवसरमा राजधानीमा आयोजित कार्यक्रममा उनले वायुसेवा निगम अहिलेको संरचनामा सञ्चालन भइरहे अबको १० वर्षमा हिमाल सिमेन्टको जस्तो हालत हुने बताए । 

नेपाल एयरलाइन्सले २२ अर्ब नाफा कमायो भनेर नक्कली डाटा सार्वजनिक गरेको उनले बताए । भट्टराईले २२ अर्ब नाफा गराउने अध्यक्षलाई सबैले माला लगाएर सम्मान गर्न आवश्यक रहेको बताउँदै २२ अर्ब नाफा भए निगमले ५० अर्बको ऋणमा २२ अर्ब घटाउन आग्रह गरे । 

सरकारले निगमलाई अहिलेको मोडल परिवर्तन गरी जहाज ल्याउने भए एमालेले सहयोग गर्ने भट्टराईको भनाई छ । उनले भने, ‘नेपाली हवाई उड्डयन क्षेत्र युरोपियन युनियन (ईयु)को हवाई सुरक्षाको कालोसूचिमा छौं । त्यसका धेरै कारणहरु छन् । अहिले विश्वभरी चलिरहेको हवाई सुरक्षाको कुरा पनि छ । यसमा अन्तर्राष्ट्रि शक्ति सघर्षको कुरा पनि छ । आज विश्व जुन धु्रविकरणमा छ, त्यो धु्रविकरणको प्रभाव नेपालको हवाई उडानमा पनि छ । त्यसबाट पनि हामी प्रभावित छौं । पछिल्लो दिनमा नेपालले हवाई क्षेत्रमा गुणस्तर बढाउनुपर्ने थियो । उनीहरुले जति गुणस्तर खोजेका थिए, त्यति नपाउँदा त्यो हुनै पर्छ भनेका छन् । यसमा सबै भन्दा ठूलो कारण राजनीति नै हो । जे भएपनि हामी त्यहाँबाट निस्कनु छ ।’ 

भट्टराईले थपे, ‘हामीले युरोपमा नेपाली जहाज उडाउँदैनौं त ? उडानुपर्छ । कोभिडको बेलामा मानविय सम्वेदनशिलतामा पनि उडान दिएनन् भने यो चानचुने विषय होइन । अहिलेको इयुको अडिटले कतिपय सकारात्मक कुराहरु देखाएको छ । नागरिक उड्डयन प्राधिकरणको मात्रै प्रयासले पुगेन सरकारको प्रतिवद्धता खाजेको छ । त्यही बेला म मन्त्री भएको बेला प्राधिकरण विभाजन गरौं भनेको थिए । संसदमा दर्ता भएको विधेयकको विषयमा छलफल गर्ने बेलामा मन्त्री नै नपाएपछि अहिलेसम्म विद्येयक कहाँ छ थाहा छैन । सरकारले इयुलाई कन्भिस गर्नुपर्छ । नेपाल एयरलाइन्सले २२ अर्ब नाफा कमायो भनेर समाचार बढे । त्यस्तो भए अध्यक्षलाई बोलाएर माला लगाई दिनुपर्ने हो । यति सक्षम अध्यक्षलाई कतार एयरलान्सले पनि पछि खोज्छ होला ? २२ अर्ब नाफा कमाउनेले ५० अर्बमा २२ अर्ब घटाएर ब्याज घटाए भयो । नक्कली डाटा दिनु भएन । नेपाल एयरलाइन्सको स्टक्चरल परिर्वतन गर्न आवश्यक छ । यो भनेको आजको अवस्थामा जहाज थप्नुस् । हामी तपाईलाई सहयोग गछौं । पारदर्शीता होस् । जति वटा विमान ल्याए पनि नेपाल वायु सेवा निगम जुन ढङ्गले चलेको छ यसले केही पनि उभो लाग्दैन । मैले यसलाई पब्लिक कम्पनीमा जानुपर्छ भनेको हो । प्राइभेट कम्पनी भनेको होइन । आज पनि नेपाल टेलिकम पब्लिक कम्पनी हो । यसरी नै नगएसम्म नेपाल वायु सेवा निगमको उद्वार हुँदैन । त्यो भनेको हिमाल सिमेन्ट उद्योग जस्तो बनाउने हो ।’

उनले हवाई उड्डयन क्षेत्र कालोसूचिमा राख्नु ईयूको आफ्नै स्वार्थ रहेको बताए । नेता भट्टराईले ईयू कालोसूचिमा राख्नु एउटा मात्रै नभएर राजनीतिक तथा विश्व धु्रविकरण लगायत कारण रहेको बताए । उनले सरकारले प्राधिकरण टुक्र्याउने शर्तलाई मान्न आवश्यक रहेको बताए ।