हिमालयन लाइफले ७७ वटै जिल्लामा बीमा जागरण कार्यक्रम गर्दै, झापाबाट शुरु भयो अभियान

काठमाडौं । हिमालयन लाइफ इन्स्योरेन्स लिमिटेडले आज झापाको बिर्तामोडबाट बीमा जागरण अभियान कार्यक्रमको औपचारिक शुभारम्भ गरेको छ । 

बीमा प्रति सर्वसाधारण नागरिकलाई जागरुक बनाउन संचालन गरिएको सो कार्यक्रमको नेपाल बीमा प्राधिकरणका कार्यकारी निर्देशक राजुरमण पौडेल, कम्पनीको प्रमुख कार्यकारी अधिकृत मनोजकुमार लाल कर्ण र बिर्तामोड नगरपालिकाका उपमेयर नगेन्द्र प्रसाद संग्रौलाले एक बार्यक्रमका बिच संयुक्त रुपमा शुभारम्भ गरेका हुन् । 

यस्तै नेपाल बीमा प्राधिकरणका निर्देशक दिनेशकुमार लालले बीमा जागरण बढाउन कम्पनीले गरेको कार्य प्रशंसनिय रहेको उल्लेख गर्दै बीमा क्षेत्रको विश्वसनियता बृद्धि गर्न सवै सक्रिय हुनु पर्ने बताए । 

कम्पनीको प्रमुख कार्यक्रारी अधिकृत मनोज कुमार लाल कर्णले सर्वसाधारणलाई बीमाको दायरामा समेट्न ७७ वटै जिल्लामा कार्यक्रम संचालन गर्न लागिएको जानकारी गराउदै देशका सबै नागरिकलाई बीमाको पहुँचमा ल्याउन सकिएमा देशको आर्थिक बिकास हुने र गरिबी निवारण गर्न सहयोग पुग्ने  बताए । 

सो कार्यक्रममा उद्योग बाणिज्य संघ बिर्तामोडका अध्यक्ष प्रकाश शिवाकोटी, चेम्बर अफ कमर्श बिर्तामोडका अध्यक्ष ओमप्रसाद बिमली, उद्योग बाणिज्य संघ बुद्धशान्ती नगर अध्यक्ष चन्द्र उप्रेती लगायतले कम्पनीले गरेको कार्यक्रम प्रभाकारी रहेको बताए । 

कार्यक्रममा नेपाल बीमा प्राधिकरण कोशी प्रादेशिक कार्यालयका प्रमुख विनोद पोखरेल, बिभिन्न संघ, संस्था, सहकारी संस्था, टोल बिकास संस्थाका प्रतिनिधिहरु लगायत सर्वसाधारण नागरिकको उपस्थिती रहेको थियो । कम्पनीको कोशी प्रादेशिक कार्यालय प्रमुख भुपराज पराजुलीले स्वागत मन्तब्य व्यक्त गरेको र कार्यक्रमको संचालन जोनल हेड नविन थापाले गरेका थिए । 

बीमा जागरण अभियान देशका ७७ वटै जिल्लामा संचालन गरी बीमामा सर्वसाधारणको पहुँच बढाउने कम्पनीले जनाएको छ ।