शनिबार २२ बैशाख, २०८१ | Saturday May 04, 2024
काठमाडौं । ग्रिसका हजारौं किसानले एथेन्सको केन्द्रमा उत्पादन लागत बढेकोमा बिरोध प्रदर्शन गरेका छन् । उनीहरुले राज्यको सहायता आवश्यक भएको बेलामा उत्पादन लागत बढाएको भन्दै बिरोध जनाएका हुन् ।
आन्दोलनमा उत्रिएका किसानहरुले ‘किसान छैन, खानेकुरा छैन, भविष्य छैन’ भन्ने नारा लगाइएका थिए । उनीहरुले राष्ट्रिय राजमार्ग र सीमा नाकाहरूमा करिव १५० वटा ट्याक्टर चलाएर संसद अगाडि प्रदर्शन गरेका हुन् ।
किसानहरूले सरकारले किसानलाई भूमि छोड्न बाध्य पारेको बताए । उनीहरुले किसानको जीविका चलाउन दिन सरकारसँग आग्रह गरे । सन् २०२३ मा, बिजुलीको लागत ८४ प्रतिशतले बढेको छ । मलको मूल्य पनि आकाश छोएको उनीहरुको भनाइ छ । किसान संगठनहरूले ग्रिक सरकारसँग हालै पटकपटक वार्ता गरेका छन् ।
सरकारले प्राकृतिक प्रकोपबाट हुने क्षतिको तत्काल क्षतिपूर्ति, प्राथमिक क्षेत्रमा प्रयोग हुने बिजुली तथा इन्धनको न्यून मूल्य र करमा छुट लगायतका किसानको बोझ कम गर्ने उद्देश्यले प्याकेज घोषणा गरेको छ । तर मंगलवार प्रदर्शनकारीहरूले उनीहरूलाई आफ्नो खेत खेती जारी राख्न मद्दत गर्न उपायहरू अपर्याप्त भएको बताए ।
किसानहरू ऊर्जा लागतहरूमा थप उदार छुटको लागि आग्रह गरेका छन् । आपूर्ति, मल र पशु दानामा थप अनुदान, गैर–ग्रिक–निर्मित उत्पादनहरूलाई ग्रिकको रूपमा लेबलिङ बन्द गरेर अनुचित प्रतिस्पर्धाबाट घरेलु उत्पादनको थप सुरक्षा गर्न आग्रह गरेका छन ।
तर सरकारले अहिले थप रकम दिने कुनै ठाउँ नभएको बताएको छ । मंगलवार, ग्रिसका प्रधानमन्त्री किरियाकोस मित्सोटाकिसले युरोपेली संसदका अध्यक्ष रोबर्टा मेत्सोलासँग भेट गरेर हालैका हप्ताहरूमा फ्रान्सदेखि पोल्याण्ड र ग्रिकसम्मका किसानहरूको प्रदर्शन लगायतका विभिन्न मुद्दाहरूमा छलफल गरेका थिए । सिन्ह्वा–नान
