मङ्गलबार २५ बैशाख, २०८१ | Tuesday May 07, 2024
काठमाडौं । पाटन संयुक्त क्याम्पसले रिक्त पदपूर्तिका लागि दरखास्त माग गरेको छ ।
त्रिभुवन विश्वविद्यालयअन्तर्गतको क्याम्पसले विभिन्न पदमा कम्तीमा एक शैक्षिक सत्रको अध्यापन पूरा गरेका २६ आंशिक शिक्षक माग गरेको हो ।
योग्य र इच्छुक आवेदकले यही फागुन २७ गतेसम्म आवेदन दिन सक्ने क्याम्पसले जनाएको छ । त्यस्तै, दोब्बर दस्तुर तिरी उल्लिखित मितिभन्दा थप एक हप्तासम्म आवेदन दिन सक्नेछन् ।
क्याम्पसले व्यवस्थापन विषयमा चार, ग्रामीण विकासमा चार र भौतिक शास्त्रमा तीन जना शिक्षक माग गरेको छ । त्यस्तै, वातावरण विज्ञानमा एक, जनसंख्या अध्ययनमा दुई, राजनीति शास्त्रमा दुई, रसायन शास्त्रमा दुई र गणितमा पनि दुई जना शिक्षक मागेको छ ।
त्यसैगरी, समाजशास्त्रमा दुइृ, मानवशास्त्रमा एक, अर्थशास्त्रमा एक, वनस्पति शास्त्रमा एक र प्राणी शास्त्रमा एक गरी कुल २६ जना शिक्षक आवश्यक रहेको बताइएको छ ।
