सोमबार २४ बैशाख, २०८१ | Monday May 06, 2024
काठमाडौं । खेलकुद बीमा लेख पहिलोपटक कार्यान्वयनमा आएको छ ।
राष्ट्रिय खेलकुद परिषद् (राखेप) ले मिसन २०२६ अन्तर्गत राष्ट्रिय टिम तयारीको विशेष प्रशिक्षणमा रहेका खेलाडी (५० जना) र प्रशिक्षक (१० जना) को बीमा गरेसंगै खेलकुद बीमा लेख पहिलोपटक कार्यान्वयनमा आएको हो ।
राखेपका सदस्य–सचिव टंकलाल घिसिङलाई राष्ट्रिय बीमा कम्पनी लिमिटेडका मार्केटिङ म्यानेजर देवराज घिमिरेले बीमा लेख हस्तान्तरण गरेका हुन् ।
नेपाल बीमा प्राधिकरणले २०८० साल मंसिर १३ गते खेलकुद बीमा लेख जारी गरेको थियो । सदस्य–सचिव टंकलाल घिसिङले २०७८ मंसिर १४ गते सदस्य–सचिवको पदभार ग्रहण गर्ने क्रममा खेलकुद बीमालेख कार्यान्वयन गर्ने घोषणा गरेका थिए ।
