बिहीबार २७ बैशाख, २०८१ | Thursday May 09, 2024
काठमाडौं । सानिमा जीआईसी इन्स्योरेन्सको वार्षिक साधारणसभा यही चैत २९ गते बस्ने भएको छ ।
सभा अमृतभोग कालिकास्थान, काठमाडौंमा बिहान ११ बजे सुरु हुनेछ ।
सभामा कम्पनीले चुक्ता पुँजीको २५ प्रतिशतले हुन आउने ५० करोड रुपियाँबराबरको हकप्रद शेयर जारी गर्ने प्रस्ताव पेस गर्नेछ । यद्यपि, कम्पनीले लाभांशसम्बन्धी कुनै प्रस्ताव पेस गरेको छैन ।
त्यस्तै, सभामा कम्पनीको गत आर्थिक वर्ष २०७९–८० को वार्षिक प्रतिवेदन, नाफा–नोक्सान तथा नगद प्रवाह विषयमा पनि छलफल हुनेछ भने चालू आवका लागि लेखापरीक्षक नियुक्ति र निजको पारिश्रमिक निर्धारण गर्ने एजेन्डा पनि छ ।
सभा प्रयोजनार्थ कम्पनीले चैत १५ गते बुक क्लोज गर्ने भएको छ । तसर्थ चैत १४ गतेसम्म कायम सेयरधनीले सभामा सहभागी हुन पाउनेछन् ।
