बिहीबार २७ बैशाख, २०८१ | Thursday May 09, 2024
काठमाडौं । सन नेपाल लाइफ इन्स्योरेन्स कम्पनीको सहायक कम्पनी सनलाइफ क्यापिटलले विश्व वित्तीय सप्ताह २०२४ को अवसरमा वित्तीय साक्षरता कार्यक्रम सम्पन्न गरेको छ ।
बालबालिका र युवाहरुमा वित्तीय साक्षरता अभिवृद्धि गर्ने उद्देश्यले चण्डीआदर्श सरल माध्यमिक विद्यालय, चाकुपाट, ललितपुर र मल्पि इन्टरनेस्नल कलेज चक्रपथ, काठमाडौंमा उक्त कार्यक्रम सम्पन्न गरेको हो ।
बुधबार चण्डी आदर्शसरल माध्यमिक विद्यालय आयोजना गरिएको कार्यक्रममा कक्षा ११ र १२ का विद्यार्थीहरुलाई वित्तीय बजार, धितोपत्र बजार सम्बन्धी जानकारी गराउनुको साथै लगानी गर्दा ध्यानदिनुपर्ने कुराहरु, इन्टरनेट लगायत अन्य सामाजिक संजालको प्रयोग गर्दा अपनाउनुपर्ने सतर्कताबारे विस्तृत जानकारी गराईयो । साथै सहभागि विद्यार्थीहरुको वित्तीय बजार र धितोपत्र बजार सम्बन्धि सम्पूर्ण जिज्ञाशाहरु स्पष्ट गरियो ।
त्यस्तै बिहीबार मल्पि इन्टरनेशनल कलेज,चक्रपथ, काठमाडौंमा बीबीएका विद्यार्थीहरुलाई बीमा क्षेत्र सम्बन्धि साक्षरता अभिवृद्धि गर्ने साक्षरता कार्यक्रम र वित्तीय बजार, धितोपत्र बजारमा केन्द्रित हाजिरी जवाफ प्रतियोगिता आयोजना गरियो । जसमा विद्यार्थीहरुको उत्साहजनक सहभागिता रहेको थियो ।
