शुक्रबार २१ बैशाख, २०८१ | Friday May 03, 2024
काठमाडौं । भरतपुर महानगरपालिकाले ९० दिनभन्दा बढी बिदा बस्ने कर्मचारीलाई सेवाबाट हटाएको छ ।
महानगरपालिकाको कृषि सेवा, मत्स्य समूह सहायक स्तर पाँचौं तह (प्राविधिक) पदमा कार्यरत स्थायी कर्मचारी नमराज जैसीलाई सेवाबाट हटाएको हो ।
जैसी बिनासूचना, बिनाजानकारी तथा बिदासमेत स्वीकृत नगराई पुस १ गतेदेखि लगातार ९० दिनभन्दा बढी कार्यालयमा अनुपस्थित रहेको महानगरपालिकाले जनाएको छ । सोही कारण स्थानीय सेवा गठन तथा सञ्चालन ऐन २०७९ को दफा ११८ (१) (ग) बमोजिम कसुर ठहर भएकाले सोही ऐनको दफा ११५ (ख) (१) बमोजिम उनलाई सेवाबाट हटाइएको हो ।
सेवाबाट हटाइए पनि भविष्यमा अन्य सरकारी सेवामा अयोग्य नठहरिने पनि महानगरपालिकाले जनाएको छ ।
