मङ्गलबार २५ बैशाख, २०८१ | Tuesday May 07, 2024
काठमाडौं । सरकारी स्वामित्वको राष्ट्रिय बीमा कम्पनी लिमिटेडको सीईओमा डा. शिवहरि श्रेष्ठ नियुक्त भएका छन् ।
सञ्चालक समितिको आज बसेको बैठकले काठमाडौं महानगरपालिका ९ निवासी श्रेष्ठलाई सीईओ पदमा नियुक्त गर्ने निर्णय गरेको कम्पनी सचिव डा. सिर्जना पन्तले बताइन् ।
सीईओ पदका लागि नारायणकुमार भट्टराई, डा. शिवहरी श्रेष्ठ, सुरेन्द्र थापा र सुवास कोईरलाको शर्ट लिस्ट भएको थियो ।
उम्मेदवारहरुको व्यवसायिक योजनाको प्रस्तुतीकरण बैशाख १२ गते र बैशाख १३ गते अन्तरवार्ता सम्पन्न भएपछि श्रेष्ठलाई सीईओ नियुक्त गर्ने निर्णय भएको हो ।
कम्पनीले सीईओ पदपुर्तिका लागि गत माघ २४ गते दरखास्त आह्वान गरेको थियो । त्यसमा ९ जनाले आवेदन दिएका थिए ।
