उद्योगी व्यवसायीले कसरी गर्दैछन् लक्ष्मी पूजा ?

काठमाडौं । तिहार नेपालीको दोस्रो ठूलो महान पर्वका साथै धनधान्यका देवी लक्ष्मीको पूजा आराधना गरेर मनाउने पर्व पनि हो । लक्ष्मीपूजा आमउद्योगी व्यवसायीदेखि लिएर सर्वसाधारणसम्मले आआफ्नो क्षमता र गच्छ अनुसार मनाउने गर्छ । लक्ष्मीको पूजा गर्ने सबैको आआफ्नै तरिका र शैंली हुने भएपनि उद्योगी व्यवसायी कसले कसरी गर्दैछन् यो वर्ष लक्ष्मी पूजा ? कर्पोरेट नेपालले गरेको कुराकानीमा उद्योगी व्यवासयका प्रतिनिधिमूलक व्यत्तिको लक्ष्मी पूजा यसरी हुन्छ ।

परम्परादेखिको चलन अनुसार धूमधाम र भव्य पूजा गर्छु
पशुपति मुरारका
पूर्व अध्यक्ष नेपाल उद्योग वाणिज्य महासंघ

दिनभर व्रत बसेर भव्य रूपमा पूजा गर्छु
भवानी राणा
पूर्व अध्यक्ष, नेपाल उद्योग वाणिज्य महासंघ

लक्ष्मी पूजा गर्ने भन्ने बित्तिकै घर सजाउने, झिलिमिली बनाउने, विहानैदेखि व्रत बस्ने गरेको छु । वर्षेनी लक्ष्मी पूजाको दिन दिनभर व्रत वसेर पूजा गर्ने गरेको छु । यसपालि पनि त्यसै गर्छु । लक्ष्मीको पूजा अफिस र घर दुबै ठाउँमा हुन्छ । दिउसो अफिसमा र बेलुका घरमा पूजा गर्छु । पूजा गर्दा गुरु (पण्डित)बोलाउने, पाठ गर्ने, घरबाहिर भएका आफन्त पनि मूल घरमै आउने र  भव्यतका साथ पूजा गर्ने चलन छ । त्यसै अनुसार गर्ने गर्छु ।

चारपाँच वटा अफिस र घरमा पूजा गर्छु
माणिकरत्न शाक्य
अध्यक्ष, नेपाल सुनचाँदी व्यवसायी महासंघ

अघिपछिको भन्दा व्यापार बढी हुने भएको तिहार लाग्नु अघिल्लो दिन अर्थात धनतेरसकै दिनदेखि व्यापारमा व्यस्त हुने गरिन्छ । लक्ष्मी पुजाको दिन पनि अन्य समयको तुलनामा व्यापार बढी हुने गर्छ । व्यापार पनि हेर्नुपर्छ, पूजा आजा पनि गर्नुपर्ने हुन्छ । यसका लागि समय व्यवस्थापन गरेर बिहान ८ बजेदेखि बेलुकासम्म नै व्यस्त हुन्छु । चारपाँच वटा कार्यालयमा पूजा भ्याउनुपर्ने र घरमा पनि गरिने भएकोले समय व्यवस्थापन गरेर लक्ष्मीको पुजा गर्छ ।

एकाग्र भएर एक घण्टा पूजा गर्छु
सिर्जना राणा
अध्यक्ष, होटल संघ नेपाल

दुई वर्षदेखि कोभिडको कारणले बाहिरी रमझम बन्द भएको छ । बाहिरफेर हिड्ने रमाउने वातावरण पनि भएन् । त्यसमाथि पनि होटल क्षेत्र अलि बढी र लामो समय कोभिडले प्रभाव परेको क्षेत्र भएकोले होटलमा धूमधमा पूजा हुँदैन् । घरमा शान्त रूपमै लक्ष्मीको पूजाआजा गर्ने गर्छु । लक्ष्मीको पूजा सामान्य रूपमा हुन्छ । त्यति धेरै तामझाम गरेर गरिदैन् । तर पूजा गर्दा भने लक्ष्मीप्रति एकाग्र भएर एक घण्टा लगाएर पूजा गर्छु । ध्यानमग्न रूपमा पूजा गने गरेको छु । लक्ष्मीको पूजा सामान्य नागरिकले जसरी गर्छन मैले पनि त्यसैगरी गर्ने गरेको छु ।