लाभांश वितरण क्षमतामा सबैभन्दा अब्बल मुक्तिनाथ, अरु विकास बैंकहरू कस्ता ? (वित्तीय विश्लेषण)

काठमाडौं । असार मसान्तसम्म आइपुग्दा सबैभन्दा धेरै लाभांश क्षमता भएको विकास बैंकमा मुक्तिनाथ विकास बैंकको रहेको छ । यस बैंकको वितरणयोग्य नाफा ६२.७० प्रतिशतले बढेर एक अर्ब १५ करोड नौ लाख ७९ हजार रुपियाँ पुगेको छ । 

मुक्तिनाथले अघिल्लो आर्थिक वर्षमा ११.२५ प्रतिशत बोनस सेयर र ४.२६ प्रतिशत नगत लाभांश वितरण गरेको थियो । यो बैंकले आर्थिक वर्ष २०६८–६९ देखि लगानीकर्तालाई निरन्तर लाभांश वितरण गरिरहेको छ । 

सप्तकोशीले आर्थिक वर्ष २०७६–७७ मा कुनै पनि लाभांश वितरण गरेको छैन् । उक्त आर्थिक बर्षअघिका पाँच आर्थिक वर्षमा भने बैंकले लगानीकर्तालाई बोनस तथा नगद लाभांश वितरण गरेको थियो । 

अघिल्लो आर्थिक वर्षसम्म सबैभन्दा धेरै लाभांश बाड्ने विकास बैंक कामना सेवा विकास बैंक पनि हो । यस बैंकले अघिल्लो आर्थिक वर्षमा नगद र बोनस सेयर गरि २१ प्रतिशत लाभांश दिएको थियो । यस्तै, लुम्बिनी विकास बैंकले पनि अघिल्लो आर्थिक वर्षमा आफ्ना लगानीकर्तालाई नगद र बोनस गरि १५ प्रतिशत लाभांश वितरण गरेको थियो । 

गएको असार मसान्तसम्म १३ विकास बैंकको वितरणयोग्य नाफा बढेको छ । यस अवधिसम्म नारायणी डेभलपमेन्ट बैंकको वितरणयोग्य नाफा नोक्सानमा छ । अघिल्लो वर्षहरुमा पनि यस बैंकले लगानीकर्तालाई कुनै लाभांश वितरण गरेको छैन् ।

कुन बैंकको वितरण योग्य नाफा कति (रु. हजारमा) 

नेप्सेमा सूचीकृत भएर दोस्रो बजारमा सेयर कारोबार भइरहेका १७ विकास बैंकले गत आर्थिक वर्षको वित्तीय विवरण सार्वजनिक छन् । वित्तीय विवरण सार्वजनिक गर्ने अधिकांश विकास बैंकको प्रमूख सूचकहरु खुद नाफा, खुद ब्याज आम्दानी, प्रतिसेयर आम्दानीलगायतमा सुधार भएको छ । 

यसअवधिमा चुक्ता पुँजी, खुद ब्याज आम्दानी तथा खुद नाफामा जस्ता सूचकमा मुक्तिनाथ विकास बैंक अगाडि देखिन्छ । केही जिल्लास्तरीय विकास बैंकको प्रमूख सूचकहरु भने घटेका छन् । हाल नेप्सेमा सूचीकृत १८ विकास बैंकले आठ राष्ट्रियस्तरका छन् । बाँकी १० वटा विकास बैंक एकदेखि सात जिल्लासम्म कार्यक्षेत्र विस्तार गरेर कारोबार गरिहेका छन् ।