विश्वकप फुटबलले गर्दा एलजीका टेलिभिजनहरुको बिक्री बढ्योः भण्डारी

काठमाडौं । चौधरी समूहको सिजी इलेक्ट्रोनिक्सका उपमहाप्रवन्धक पुरुषोत्तम भण्डारीले कतार विश्वकप फुटवल प्रतियोगिताको मिति नजिकिएका कारण एलजी ब्राण्डका टेलिभिजनहरुको बिक्री बढेको बताएका छन् । 

कर्पोरेट नेपालसँगको कुराकानीमा उनले एलजीका ब्राण्डहरुमा टेलिभिजनहरुको बिक्री बढेको बताउँदै यसको मुख्य कारण नजिकिँदो विश्वकर भएको बताएका हुन् । भण्डारीले  भने, ‘एलजीको टिभी एकदमै राम्रो गइरहेको छ । किनभने वल्र्ड कपका लागि मानिसहरुले अहिले नै टिभी किन्न थालिसकेको छ । प्राइस (मूल्य) पनि अहिले सस्तो  छ । पहिलोको भन्दा अहिले १५–२० प्रतिशत सस्तो छ टिभीको प्राइस ।’ 

भण्डारीले नेपालमै एलजीको टिभी उत्पादनको तयारी भइरहेको बताउँदै यही उत्पादन भएको टिभी आएपछि मूल्यमा अझै सुधार आउनसक्ने बताए । उनले अहिलेको आर्थिक मन्दीको स्थिति र अधिकांश वस्तुहरुको मूल्य बढेको बेलामा पनि एलजीका अन्य सामानहरुको मूल्य पूरानै रहेको बताए । तर मुलुकको असहज आर्थिक अवस्थाको असर एलजी जस्ता इलेक्ट्रोनिक्स सामानको बजारमा पनि परेको स्वीकार गर्दै बजार गएका सामानहरुको भुक्तानी आउन ढिलो हुने गरेको सुनाए । 
  
साथै, भण्डारीले यस पटकको चाडपर्वलक्षित कन्जुमर स्किम ग्राहकहरुले निकै मन पराएको पनि दावी गरे । उनले भने, ‘अहिलेको समय परिस्थिति जस्तो भए पनि कन्जुमर स्किम ग्राहकहरुले निकै मन पराएका छन् ।’ एलजीका हरेक टेलिभिजनहरुमा सामानमा क्यास ब्याक रहेको छ भने एलजीका अन्य सामग्रीहरुमा भने स्योरसट गिफ्टहरु रहेको भण्डारीले जानकारी दिए । 

एलजीले रेफ्रिजिरेट किन्ने ग्राहकले घरमा प्रयोग गर्ने ह्याण्ड ग्राण्डर र सिजी ब्राण्डको ग्यास चुलो पाउँछन् । त्यस्तै, एलजीको वासिङ मेशिन किन्ने ग्राहकले केन्ट ब्राण्डको इन्डक्शन र एरियल स्रफ निःशुल्क प्राप्त हुन्छ । साइड वाई साइड रेफ्रिजिरेटर किन्नेले माइक्रोओभ ओभन निःशुल्क प्राप्त हुन्छ । ‘हामीले एलजीको सामान किन्दा मानिसलाई एकदमै उपयोग हुने कुराहरु ग्राहकहरुलाई उपहारस्वरुप दिइरहेका छौं’, भण्डारीले बताए ।