शनिबार ८ बैशाख, २०८१ | Saturday Apr 20, 2024
काठमाडौं । लाइफ इन्स्योरेन्स कर्पोरेशन नेपाल (एलआईसी) का प्रमुख कार्यकारी अधिकृत (सीईओ) लक्ष्मीप्रसाद (एलपी) दासको कार्यकाल थप भएको छ । सीईओ दासको कार्यकाल थप ६ महिनाका लागि थप्न मिल्ने गरी नियामक निकाय बीमा प्राधिकरणले स्वीकृती दिएको हो ।
उनलाई माघ २४ गतेको पत्रअनुसार गत माघ १४ गतेदेखि नै लागू हुनेगरी बढीमा ६ महिनासम्मको लागि कार्यकाल थप गर्न सकिने प्राधिकरणको स्वीकृती छ ।
विगत चार वर्षदेखि निरन्तर एलआईसी नेपालमा कार्यरत सीईओ दासले भारतका विभिन्न बीमा कम्पनीको अनुभव समेत हासिल गरेका छन् । उनले नेपाली बीमा क्षेत्रको सुधारका लागि पनि योगदान पुर्याउदै आएका छन् । अन्तर्राष्ट्रिय बीमा बजारमा चलेका अभ्यासहरुलाई नेपाली बीमा बजारमा समेत अपनाउन सकेमा बीमा क्षेत्रको गुणस्तर वृद्धि हुने उनले बताउँदै आएका छन् ।
एलआइसीमा आबद्ध हुनुभन्दा पहिले सीईओ दासले भारतको ओडिशाको भुवनेश्वर डिभिजन कार्यालयमा भारतीय जीवन बीमा निगमको वरिष्ठ डिभिजनल प्रबन्धकको रूपमा काम गरेका थिए ।
