शनिबार २९ बैशाख, २०८१ | Saturday May 11, 2024
काठमाडौँ । प्रहरीको गोली लागेर ललितपुरको बालकुमारीमा १ जना युवाको मृत्यु भएको छ ।
रोजगार अनुमति प्रणाली (ईपीएस) मार्फत कोरियामा काम गर्न जान खोज्नेहरुले गरेको प्रदर्शन नियन्त्रणमा लिन प्रहरीले गोली चलाएको हो ।
प्रहरीको गोली लागेर घाइते भएका आन्दोलनकारीको उपचारको क्रममा किष्ट अस्पतालमा मृत्यु भएको हो । मृतकको पहिचान खुल्न बाँकी छ ।
स्थिति नियन्त्रणमा लिन गोली चलाउनु परेको जिल्ला प्रहरीले जनाएको छ । आन्दोलनकारीहरुले यसअघि आजै भौतिक पूर्वाधार तथा यातायात मन्त्री प्रकाश ज्वालाको गाडीमा आगजनी गरेका थिए । आगजनीमा संलग्न आधा दर्जन बढीलाई प्रहरीले नियन्त्रणमा लिएको छ ।
