शनिबार १५ बैशाख, २०८१ | Saturday Apr 27, 2024
काठमाडौं । भन्सार विभागले सात महिनामा दुई खर्ब ३४ अर्ब ८२ करोड ७० लाख महशुल असुल गरेको छ ।
यो लक्ष्यभन्दा निकै कम संकलन हो । घट्दो आयातले महशुल संकलनमा असर गरेको विभागको भनाई छ । सात महिनामा सरकारले चार खर्ब १२ अर्ब ७ करोड राजश्व उठाउने लक्ष्य लिएको थियो । तर लक्ष्यको ५६.९९ प्रतिशत मात्रै राजश्व अशुल भएको हो ।
यद्यपि गत वर्षको तुलनामा विभागले १०.२५ प्रतिशत बढी भन्सार राजश्व असुल गरेको छ । गत आर्थिक वर्षको पहिलो सात महिनामा विभागले दुई खर्ब १२ अर्ब ९९ करोड महशुल असुल गरेको थियो ।
यस बर्ष गत वर्षभन्दा २२ अर्ब बढी राजश्व असुल भए पनि आर्थिक मन्दीका कारण आयातमा निरन्तर गिरावट आएकाले भन्सार महशुल संकलनमा निकै कमी भएको हो । नेपालको राजश्वको मुख्य आधार आयात हो ।
आयातमा सुधार नभएपछि भन्सार कार्यालमा ठूलो लक्ष्य लिएर बसेका कार्यालय प्रमुखहरु नै दबाबमा छन् । भन्सार प्रमुखहरुलाई अर्थमन्त्री प्रकाशशरण महतले राजश्वको लक्ष्य अनुसार काम गर्न दबाब दिँदै आएका छन् ।
