काठमाडौँ । वाणिज्य बैंकहरुको कूल निक्षेप पछिल्लो सात दिनमा १४ अर्ब रुपियाँले बढेको छ । नेपाल बैंकर्स संघको तथ्याङ्क अनुसार पुस ९ गतेसम्म ४२ खर्ब ३५ अर्ब रहेको कूल निक्षेप १४ अर्बले बढेर ४२ खर्ब ४९ अर्ब पुगेको छ ।
पुस २ गतेसम्म ४२ खर्ब ३९ अर्ब रहेको कूल निक्षेप पुस ९ गतेसम्म भने ४ अर्बले घटेर ४२ खर्ब ३५ अर्बमा झरेको थियो । मंसिर २९ गतेसम्म भने कूल निक्षेप ४२ खर्ब ३७ अर्ब थियो ।
त्यसैगरी कर्जा लगानी ११ अर्बले बढेको छ । पुस ९ गतेसम्म ४० खर्ब ८८ अर्ब रहेको कर्जा पुस १६ गतेसम्म आइपुग्दा बढेर ४० खर्ब ९९ अर्ब पुगेको हो । पुस २ गतेसम्म ४० खर्ब ८५ अर्ब रहेको कर्जा लगानी पुस ९ गतेसम्म आईपुग्दा बढेर ४० खर्ब ८८ अर्ब पुगेको हो ।
मंसिर २९ गतेसम्म भने वाणिज्य बैंकहरुको कर्जा लगानी ४० खर्ब ८४ अर्ब रुपियाँ थियो । एनबीए तथ्याङ अनुसार पुस महिना शुरु भएपछि कूल निक्षेप १२ अर्बले बढ्दा कूल कर्जा लगानी १५ अर्बले बढेको देखिन्छ ।