फाइनान्स कम्पनी वित्तीय विश्लेषणः मन्जुश्री अब्बल, अरु कस्ता ? (सूचीसहित)

काठमाडौं । गत आर्थिक वर्षमा अधिकांश वित्त कम्पनीहरूको वित्तीय अवस्था अघिल्लो आर्थिक वर्षको भन्दा सुधार भएको छ । धेरै कम्पनीको खुद नाफा, सञ्चालन नाफा, चुक्ता पुँजी र जगेडा कोष उकालो लागेको छ । 

वित्तीय विवरण सार्वजनिक गर्ने प्रायः सबै वित्त कम्पनीको खुद ब्याज आम्दानी घट्दा पनि कम्पनीको सञ्चानल नाफामा भने सुधार आएको छ । यता, कम्पनीहरूको गैरसञ्चालन आम्दानी बढेका कारण ब्याज आम्दानी घट्को छ । यस्तो आम्दानी बढ्दा कम्पनीको नाफा बढ्न सहयोग पुगेको छ । वित्त कम्पनीले कोरोना महाकारीका कारण कोर विजनेशबाट भन्दा गैरआम्दानीबाट नाफा आम्दानी बढाउन सफल भएको देखिन्छ । 

समीक्षा अवधिसम्म तीन फाइनान्स कम्पनीको नाफा ओरालो लागेको छ । नाफा धेरै घट्ने कम्पनीहरुमा नेपाल फाईनान्स कम्पनी, समृद्धि फाइनान्स कम्पनी र जानकी फाईनान्स कम्पनी छन् । यी कम्पनीको नाफामा क्रमशः ४१.२१ प्रतिशत, ६८.३१ र २०.२८ प्रतिशतले ओरालो लागेको छ । गत आर्थिक वर्षमा वित्त कम्पनीहरूको खुद नाफा दुई अर्ब २१ करोड ७० लाख रुपियाँ भन्दा माथि थियो । 

नाफा कस्को कति  रु.हजारमा ?

वितरणयोग्य नाफा कस्को कति ?
गएको आर्थिक वर्षमा लगानीकर्तालाई वितरण गर्ने नाफामा पनि मन्जुश्री फाइनान्स अगाडि छ । यस कम्पनीले गत आर्थिक वर्षको नाफाबाट लगानीकर्तालाई दिन ४८ करोड ५६ लाख २७ हजार रुपियाँ छुट्टयाएको छ । 

मन्जुश्रीले अघिल्लो आर्थिक वर्षको यसै अवधिको भन्दा ३०६.४७ प्रतिशत बढि नाफा लगानीकर्तालाई वितरण गर्न लागेको हो । अघिल्लो आर्थिक वर्षमा कम्पनीले लगानीकर्तालाई ११ करोड ९४ लाख ७५ हजार रुपियाँ वितरणयोग्य नाफा छुट्याएको थियो । यस कम्पनीले अघिल्लो आर्थिक वर्ष २०७६–७७ मा लगानीकर्तालाई १८ प्रतिशत बोनस सेयर र कर प्रयोजनसहित ५.५ प्रतिशत नगद लाभांश वितरण गरेको थियो । 

यस आर्थिक वर्षमा १५ वित्त कम्पनीको वितरणयोग्य नाफा एक अर्ब ७३ करोड रुपियाँभन्दा धेरै छ । 

वितरण योग्य नाफा रु.हजारमा 

खुद ब्याज आम्दानी कस्को कति ? 
आर्थिक वर्ष २०७७–७८ मा सबैभन्दा धेरै खुद ब्याज आम्दानी गर्ने कम्पनीमा पनि मन्जुश्री फाइनान्स कम्पनी छ । यस अवधिसम्म सबैभन्दा धेरै खुद ब्याज आम्दानी भएको र सबैभन्दा धेरै यस्तो आम्दानी बढाउन सफल कम्पनी मन्जुश्री रहेको छ । 

यस कम्पनीले यस अवधिसम्म खुद ब्याज आम्दानी ३०६.४७ प्रतिशतले बढाएर ४८ करोड ६५ लाख २७ हजार रुपियाँ पुर्याउन सफल भएको छ । कम्पनीको खुद ब्याज आम्दानी बढेको कारण पनि वितरणयोग्य नाफा र खुद नाफामा उल्लेखनीय सुधार गर्न सफल भएको हो । 

यस अवधिसम्म छ वटा कम्पनीको खुद ब्याज आम्दानी घटेको छ । अघिल्लो आर्थिक वर्षको तुलनामा गत आर्थिक वर्षमा सबैभन्दा धेरै खुद ब्याज आम्दानी घटेको कम्पनी जानकी फाइनान्स छ । यो कम्पनीको यस्तो आम्दानी ३६.४४ प्रतिशतले घटेको छ । 

यस्तै, समृद्धि फाइनान्स कम्पनीको खुद ब्याज आम्दानी १३.१८ प्रतिशत, सेन्ट्रल फाईनान्स कम्पनीको यस्तो आम्दानी १०.५२ प्रतिशत, वेष्ट फाइनान्स कम्पनीको यस्तो आम्दनी ३०.७२ प्रतिशत, श्रीइन्भेष्टमेन्ट फाइनान्स कम्पनीको खुद ब्याज आम्दानी  १९.१३ प्रतिशत र गोर्खाज फाइनान्स कम्पनीको आम्दानी २९.१९ प्रतिशत घटेको छ । 

गत आर्थिक वर्षमा वित्त कम्पनीहरुको खुद ब्याज आम्दानी दुई अर्ब २६ करोड रुपियाँ भन्दा धेरै छ । 

खुद ब्याज आम्दानी रु.हजारमा 

सञ्चालन नाफा कुनको कति ?

गत आर्थिक वर्षमा वित्त कम्पनीहरुको सञ्चालन नाफा दुई अर्ब ६२ करोड रुपियाँभन्दा माथि छ । सञ्चालन नाफामा पनि सबैभन्दा अगाडि मन्जुश्री छ । यस कम्पनीको सञ्चालन नाफा आर्थिक वर्षको अन्त्यसम्म ८० करोड ९३ लाख रुपियाँ भन्दा धेरै छ । 

यस अवधिसम्म पाँच कम्पनीको सञ्चालन नाफा अघिल्लो वर्षको यसै अवधिको भन्दा घटेको छ । बाँकी १० कम्पनीको यस्तो नाफा बढेको छ । 

सञ्चालन नाफा रु. हजारमा 

प्रतिसेयर आम्दानी (ईपीएस) धेरै भएको कम्पनी कुन ? 

समीक्षा अवधिसम्म सबैभन्दा धेरै प्रतिसेयर आम्दानी मन्जुश्री फाइनान्स कै रहेको छ । यस कम्पनीको ईपीएस ५८ रुपियाँ ८५ पैसा छ । यस कम्पनीको ईपीएस अघिल्लो आर्थिक वर्षको यसै अवधिको भन्दा २४ रुपियाँ ५१ पैसाले बढाउन सफल भएको हो । 

यस्तै प्रतिसेयर आम्दानी सबैभन्दा धेरै भएको दोस्रो कम्पनी गोर्खाज फाइनान्स छ । यस अवधिसम्म यस कम्पनीको यस्तो आम्दानी २३.२६ पैसा छ । समीक्षा अवधिसम्म पाँच कम्पनीको ईपीएस घटेको छ । 

ईपीएस रुपियाँमा 

चुक्ता पुँजी कस्को कति ? 
चुक्ता पुँजीमा सबैभन्दा अब्बल आईसीएफसी फाइनान्स छ । यसको पुँजी असार मसान्तसम्म एक दुई करोड ४२ लाख ६५ हजार रुपियाँ छ ।

जगेडा कोष रु. हजारमा