बिहीबार १३ बैशाख, २०८१ | Thursday Apr 25, 2024
काठमाडौं । नेपाल बैंक र नागरिक लगानी कोषले अनलाइन कारोबारबाटै योगदानकर्ताहरुको रकम जम्मा हुने व्यवस्था कार्यान्वयनसम्बन्धी सम्झौता गरेका छन् ।
बैंकका सीईओ कृष्ण अधिकारी र कोषका कार्यकारी निर्देशक रमण नेपालले सम्झौतापत्रमा हस्ताक्षर गरे । सम्झौता अनुसार अब सरकारी कर्मचारीहरुको बचत वृद्धि, अवकाश कोष सावधिक जीवन बीमाका लागि काट्ने रकम ईसर्भिस सफ्ट्वेयरमार्फत हुने भएको छ ।
कार्यक्रमममा बैंकका सीईओ अधिकारीले नेपाल बैक र नागरिक लगानी कोष बीचको व्यावसायिक सम्बन्ध कोषको स्थापनाकालदेखि रहदै आएको बताएका छन् ।
रमण नेपालले यस सम्झौतामार्फत ग्राहकहरुलाई अनलाइनबाटै कारोबार गर्दा छिटो छरितो रुपमा सेवा प्रवाह हुने बताए ।
