शुक्रबार २१ बैशाख, २०८१ | Friday May 03, 2024
काठमाडौं । राष्ट्रिय स्तरका आठ विकास बैंकमध्ये मुक्तिनाथ विकास बैंकले सबैभन्दा बढी नाफा कमाएको छ ।
गएको वर्षको चौथो त्रैमासको अपरिस्कृत वित्तीय विवरण अनुसार मुक्तिनाथले १ अर्ब ३६ करोड नाफा कमाएको हो ।
त्यसैगरी गरिमा विकास बैंकले १ अर्ब २१ करोड नाफा कमाउँदा शाईन रेसुङ्गाले ७८ करोड ६८ लाख नाफा कमाएको छ । यी तीन बैंकले अघिल्लो वर्षभन्दा गएको वर्ष क्रमशः १.६४, १८.१९ र २१.२९ प्रतिशतले नाफा बढाएका छन् ।
नाफा प्रतिशत बढाउनेमा शाईन रेसुङ्गा पहिलो भएको छ । बाँकी ५ वटा बैंकले अघिल्लो वर्षभन्दा गएको वर्ष नाफा घटाएका छन् ।
सबैभन्दा बढी महालक्ष्मी विकास बैंकको ४७.९५ प्रतिशतले नाफा घटेको छ । कामना सेवा, ज्योति, लुम्बिनी र सांग्रिलाको क्रमशः २६.९३, ०.६, ३.८८ र ३४.८० प्रतिशतले नाफा घटेको छ ।
