आइतबार ६ जेठ, २०८१ | Sunday May 19, 2024
काठमाडौं । टी-२० विश्वकप छनोट खेलको पहिलो खेलमा ओपनर ब्याट्सम्यान कुशल भुर्तेलले १ लाख ५० हजार कमाएका छन् । यति ब्रुअरीले घोषणा गरेको नगद पुरस्कार उनले जितेका हुन् ।
ब्रुअरीको उत्पादन अर्नाले खेल अघि नगद पुरस्कारको घोषणा गरेको थियो । जसअनुसार प्रत्येक चौकामा रु १० हजार, प्रत्येक छक्कामा रु २० हजार र प्रति रनमै रु एक हजार दिने बताएको थियो ।
यसैगरी बलिङतर्फ प्रति विकेट रु २५ हजार, प्रति डटबल १ हजार र मेडन ओभरमा १० हजार रुपियाँ दिने घोषणा गरेको छ । अर्नाको घोषणा अनुसार सबैभन्दा धेरै रकम ब्याट्म्यान भुर्तेलले जितेका हुन् ।
भुर्तेलले ४८ बल खेल्दै ८ चौका र २ छक्का प्रहार गर्दै ७४ रन बनाएका थिए । जस अनुसार ८ चौका प्रहार गर्दा १० हजारका दरले ८० हजार र २ छक्काबाट २० हजारका दरले ४० हजार पाउनेछन् । यस्तै, प्रति रनबाट १ हजारका दरले रु ३० हजार पाउनेछन् । यसरी उनले कूल १ लाख ५० हजार रुपियाँ पाउने भएका छन् ।
बलर अभिनास बोहोराले ८५ हजार रुपियाँ पाउने भएका छन् । उनले सर्वाधिक ३ विकेट र १० डटबल फालेका छन् ।
अर्का बलरद्धय सन्दिप लामिछाने र गुल्सन झाले ६१/६१ हजार पाउने छन् । दुबै जनाले २ विकेट लिँदै ११ डटबल फालेका छन् ।
२ विकेट र ९ डट बल फालेका करन केसीले ५९ हजार रुपियाँ र १३ डटबल फालेका सोमपाल कामीले १३ हजार रुपियाँ पाउने छन् ।
यस्तै ओपनर ब्याट्म्यान आसिफ शेखले ५३ हजार पाउनेछन्। तेस्रो नम्बरमा ब्याटिङ गर्न आएका कप्तान रोहितले ७५ हजार रुपियाँ पाउने छन् ।
